لاہور ہائیکورٹ نے 9 مئی کو راحت بیکری کے قریب پولیس کی گاڑیاں جلانے کے مقدمہ میں پی ٹی آئی رہنما سینیٹر اعجاز چودھری و دیگر کی درخواست ضمانت خارج کردی۔
لاہور ہائیکورٹ کے جسٹس شہباز رضوی کی سربراہی میں دو رکنی بنچ نے پی ٹی آئی رہنماؤں کی ضمانت کی درخواستوں پر فیصلہ سنایا۔
عدالت نے پی ٹی آئی رہنماؤں حافظ فرحت عباس اور شیخ امتیاز کی عبوری ضمانتیں بھی خارج کردیں تاہم ضمانتیں خارج ہونے کے بعد حافظ فرحت عباس اور شیخ امتیاز ہائیکورٹ سے فرار ہونے میں کامیاب ہو گئے۔
واضح رہے کہ انسداد دہشتگردی عدالت سے ضمانت خارج ہونے کے بعد اعجاز چودھری نے لاہور ہائیکورٹ سے رجوع کیا تھا، گزشتہ سماعت پر عدالت نے فریقین کے وکلاء سے دلائل طلب کیے تھے۔
