معروف عالمِ دین مولانا طارق جمیل نے اُن سے متعلق سوشل میڈیا پر زیرِ گردش جعلی خبروں کی تردید کردی۔
مولانا طارق جمیل نے واضح کیا ہے کہ انہوں نے اسلام آباد میں ہونے والے سرکاری ملازمین کے حالیہ احتجاج پر وزیر اعظم عمران خان کو تنقید کا نشانہ نہیں بنایا ہے۔
الحمداللّہ! اب بہتر ہورہا ہوں، طارق جمیل
مولانا طارق جمیل نے اپنے تصدیق شدہ ٹوئٹر اکاؤنٹ پر اپنے نام سے منسوب اس جعلی بیان کا اسکرین شاٹ شیئر کیا جو کہ وزیراعظم عمران خان کے خلاف تھا۔
I have nothing to do with this statement. This is fake news. For authentic news about me, stay connected to verified platforms. May Allah preserve us from spreading false news. pic.twitter.com/5v2WqSuZsf
— Tariq Jamil (@TariqJamilOFCL) February 11, 2021
طارق جمیل نے اسکرین شاٹ شیئر کرتے ہوئے کہا کہ ’میرا اس بیان سے کوئی لینا دینا نہیں ہے، یہ جعلی خبر ہے۔‘
طارق جمیل کی اپنی پوتی کیساتھ تصاویر مقبول
اُنہوں نے کہا کہ ’میرے درست بیانات کے لیے میرے تصدیق شدہ سوشل میڈیا پلیٹ فارمز کے ساتھ جڑے رہیں۔‘
مولانا طارق جمیل نے مزید کہا کہ ’اللّہ تعالیٰ ہمیں جھوٹی خبریں پھیلانے سے بچائے۔‘
مولانا طارق جمیل نے کونسا اعزاز اپنے نام کیا؟
خیال رہے کہ سوشل میڈیا پر مولانا طارق جمیل کے نام سے منسوب بیان جسے انہوں نے جعلی خبروں کے طور پر مسترد کردیا ہے، وہ اسلام آباد میں سرکاری ملازمین کے احتجاج کے حوالے سے تھا جس میں پولیس کی جانب سے ملازمین پر آنسو گیس کے گولے فائر کیے گئے اور مظاہرین کے علاوہ پولیس اہلکار بھی زخمی ہوگئے۔
