کالعدم بلوچ لبریشن آرمی (بی ایل اے) کے "زراب” کے نام سے خفیہ انٹیلی جنس ونگ کا انکشاف ہوا ہے۔
ذرائع کے مطابق یہ بلوچ لبریشن آرمی کا ایک منظم اور مربوط انٹیلی جنس ونگ ہے جو سیکڑوں پیشہ ور افراد، محققین، مخبروں، آئی ٹی ماہرین، ڈیٹا تجزیہ کاروں اور تفتیش کاروں پر مشتمل ہے، بی ایل اے کی جانب سےبلوچستان کے تمام چھوٹے بڑے شہروں میں زراب کے خفیہ سیل قائم کیے گئے ہیں۔
ذرائع نے انکشاف کیا ہے کہ بی ایل اے کے یہ خاموش سپاہی اہم تنصیبات میں گھسنے میں کامیاب ہو گئے ہیں، زراب کی برسوں کی خاموشی، روزانہ کی محنت کے ساتھ مل کر انہیں کراچی حملے کی طرح مہلک حملے کرنے کے قابل بناتی ہے۔
