عدالتی فیصلے سے حکومت کو خطرہ نہیں، ہمارے پاس اکثریت ہے۔وزیر قانون
فیصلہ ابھی پورا نہیں دیکھا، حکومت نظرثانی کی درخواست دائر کرے گی یا نہیں یہ ابھی نہیں بتا سکتا۔اعظم نذیر
اسلام آباد(نمائندہ جاوید اقبال)گلوبل ٹائمز میڈیا یورپ کے مطابق وفاقی وزیر قانون اعظم نذیر تارڑ نے مخصوصی نشستوں سے متعلق سپریم کورٹ کے فیصلے پر ردعمل کا اظہار کیا ہے۔وزیر قانون اعظم نذیر تارڑ نے کہا کہ سپریم کورٹ کے فیصلے سے حکومت کو کوئی خطرہ نہیں، ہمارے پاس اب بھی 209 اراکین کی اکثریت ہے۔انہوں نے کہا کہ فیصلہ ابھی پورا نہیں دیکھا، حکومت نظرثانی کی درخواست دائر کرے گی یا نہیں یہ ابھی نہیں بتا سکتا۔
