صوبائی وزیر بلدیات میاں محمود الرشید نے ضلع جہلم کے دورہ کے موقع پر ڈپٹی کمشنر آفس کے کمیٹی روم میں تمام سرکاری محکموں کے افسران سے اجلاس کی صدارت کی۔
جس میں انہوں نے ضلعی انتظامیہ کو جہلم میں بلدیہ کے مسائل کی نشان دہانی کر کہ سمری بنا کر بھیجنے کی ہدایت کی۔ سٹاف کی کمی کے مسائل، صفائی ستھرائی، سٹریٹ لائٹس اور گورننس کے مسائل کو جل از جلد حل کیا جائے گا تاکہ عوام کو مکمل ریلیف فراہم کیا جاسکے۔ وزیر بلدیات نے کہا کہ عام آدمی کو ریلیف کی فراہمی حکومت کی اولین ترجیح ہے، انتظامی افسران متحرک انداز میں اپنے فرائض سر انجام دیں، حکومت پنجاب نے شہریوں کی فلاح و بہبود کے بے شمار منصوبے شروع کر رکھے ہیں جس سے عام لوگوں کی زندگیوں میں بہت بہتری آ رہی ہے۔
رپورٹ:احمد رضا جہلم
