چٸیرمین مستقبل پاکستان کی گوادر میں ضلع خانیوال کے 7 مزدوروں کے قتل کی مذمت

چٸیرمین مستقبل پاکستان کی گوادر میں ضلع خانیوال کے 7 مزدوروں کے قتل کی مذمت

بلوچستان میں سوچی سمجھی سازش کے تحت لسانی تعصبات کو ہوا دینے کی کوشش کی جارہی ہے:انجینٸر ندیم ممتاز قریشی

اس سے قبل تربت اور نوشکی میں بھی شنأخت کر کے جنوبی پنجاب کے مزدوروں کو موت کے گھاٹ اتارا گیا ہے:چٸیرمین

بلوچستان پہلے ہی معاشی پسماندگی کا شکار ہے اسے معاشی طور پر مستحکم کرنے کیلٸے دہشت گردی کا خاتمہ ناگزیر ہے:گفتگو

ملک میں بڑھتا ہوا سیاسی عدم استحکام دہشت گردوں اور شدت پسند عناصر کو اپنے مذموم عزاٸم کے حصول کے مواقع فراہم کررہا ہے

چٸیرمین مستقبل پاکستان انجینٸر ندیم ممتاز قریشی نے بلوچستان کے ضلع گوادر میں خانیوال کے 7 مزدوروں کے قتل کی مذمت کرتے ہوٸے کہا کہ بلوچستان میں سوچی سمجھی سازش کے تحت لسانی تعصبات کو بڑھانے کی سازش کی جارہی ہے اس کا سر کچلنے کیلٸے ضروری ہے شرپسند عناصر کا خاتمہ یقینی بنایا جاٸے،اس سے قبل تربت اور نوشکی میں بھی جنوبی پنجاب کے مزدوروں کو موت کے گھاٹ اتارا گیا ہے،بلوچستان پہلے ہی معاشی پسماندگی کا شکار ہے اسے معاشی طور پر مستحکم کرنے کیلٸے دہشت گردی کا خاتمہ انتہاٸی ناگزیر ہے۔انہوں نے کہا کہ بلوچستان میں امن و امان کے قیام کیلٸے ضروری ہے کہ وفاقی اور صوباٸی حکومت مل کر آگے بڑھے تاکہ ملک دشمن قوتوں کو منہ کی کھانی پڑے۔انجینٸر ندیم ممتاز قریشی نے کہا کہ ملک میں بڑھتا ہوا سیاسی عدم استحکام دہشت گردوں اور شدت پسند عناصر کو اپنے مذموم عزاٸم کے حصول کے مواقع فراہم کررہا ہے۔انہوں نے مزید کہا کہ حکمران طبقہ دہشت گردی کے واقعات کی مذمت کرنے کی بجاٸے عوام کے تحفظ کیلٸے پیشگی اقدامات کو یقینی بناٸے تاکہ جو قتل و غارت گری کا سلسلہ ہر گزرتے دن کے ساتھ بڑھتا جارہا ہے وہ کم ہو۔
میڈیا سیل مستقبل پاکستان
10.05.2024