جلسے کا مقررہ وقت ختم ہونے کے بعد پولیس نے لائٹس اور ساؤنڈ سسٹم بند کرا دیا۔ کچھ اہلکاروں نے اسٹیج پر چڑھ کر رہنماؤں کو بھی اتار دیا۔ انتظامیہ نے پی ٹی آئی کو شام چھ بجے تک جلسے کی اجازت دی تھی۔
پی ٹی آئی کو لاہور میں جلسے کی مشروط اجازت مل گئی
علی امین گنڈاپور کے ناقابلِ ضمانت وارنٹ گرفتاری جاری
پی ٹی آئی کا جلسہ، اسلام آباد-لاہور موٹروے بند
پی ٹی آئی کا جلسہ: قیدیوں کو آج عدالتوں میں پیش نہیں کیا جائے گا
New posts
18:51
علی امین گنڈا پور جلسہ گاہ نہ پہنچ سکے
فائل فوٹو
فائل فوٹو
تحریکِ انصاف کے رہنما اور وزیرِ اعلیٰ خیبر پختونخوا علی امین گنڈا پور تاحال لاہورجلسے میں نہیں پہنچ سکے ہیں۔
رپورٹس کے مطابق علی امین گنڈا پور خیبرپختونخوا سے قافلے کی صورت میں لاہور جلسے میں شرکت کے لیے رواں دواں ہیں۔ تاہم جلسے کے لیے انتظامیہ کی جانب سے مقرر کیا گیا وقت ختم ہو گیا ہے اور وہ اب تک جلسہ گاہ نہیں پہنچ سکے ہیں۔
18:49
پی ٹی آئی کو جلسے کے لیے دیا گیا وقت ختم، لائٹس بند کردی گئیں
لاہور میں پاکستان تحریک انصاف کو جلسے کے لیے انتظامیہ کی جانب سے دیا گیا وقت ختم ہو گیا ہے۔
جلسے کا وقت ختم ہونے کے بعد جلسہ گاہ میں لائٹس اور ساؤنڈ سسٹم بند کردیا گیا ہے جب کہ پولیس اہلکاروں نے اسٹیج کو خالی کرانا شروع کر دیا ہے۔
پی ٹی آئی کے لاہور میں جلسے کے لیے انتظامیہ نے 43 نکاتی ایس او پیز جاری کیا تھا جس میں جلسے کا وقت سہ پہر تین سے شام چھ بجے تک رکھا گیا تھا۔
17:13
گنڈا پور آکے جلسہ بچاؤ: وزیرِ اطلاعات پنجاب عظمیٰ بخاری
