سالانہ جلسہ بعثت رحمت عالم کا انعقاد دارالعرفان منارہ میں – شیخ امیر عبدالقدیر اعوان کا خطاب

**سالانہ جلسہ بعثت رحمت عالم کا انعقاد دارالعرفان منارہ میں – شیخ امیر عبدالقدیر اعوان کا خطاب**

منارہ (تاریخ): دارالعرفان منارہ میں بعثت رحمت عالم ﷺ کے عنوان سے ایک عظیم الشان روحانی جلسے کا انعقاد کیا گیا جس میں شیخ سلسلہ عالیہ نقشبندیہ اویسیہ، حضرت امیر عبدالقدیر اعوان مدظلہ عالی نے خصوصی خطاب کیا۔ اس بابرکت اجتماع میں سیاسی، سماجی شخصیات اور بڑی تعداد میں عقیدت مندوں کے علاوہ گورنر پنجاب سردار سلیم حیدر ،سابقہ وزیراعظم پاکستان شاہد خاقان عباسی عبداللہ حمید گل نے شرکت کی۔

شیخ امیر عبدالقدیر اعوان نے اپنے خطاب میں ماہِ ربیع الاول کی اہمیت پر روشنی ڈالتے ہوئے کہا کہ یہ وہ مبارک مہینہ ہے جس میں اللہ تعالیٰ نے حضور نبی اکرم ﷺ کو رحمت العالمین بنا کر دنیا میں بھیجا۔ آپ کی رحمت کسی ایک گروہ تک محدود نہیں بلکہ تمام مخلوقات تک پھیلی ہوئی ہے۔

انہوں نے زور دیا کہ ہمیں اپنی زندگیوں کا محاسبہ کرنا چاہیے اور یہ دیکھنا ہوگا کہ ہم نے کتنی سچائی اور ایمانداری سے اپنے معمولات انجام دیے ہیں۔ ماہِ ربیع الاول ہمیں ختم نبوت ﷺ کی یاد دلاتا ہے جو ہمارے ایمان کا لازمی جزو ہے اور ہمیں اسی طریقے سے منانا چاہیے جیسا رسول اللہ ﷺ نے سکھایا۔

مزید برآں، شیخ عبدالقدیر اعوان نے 1973 کے آئین کی مکمل عملداری کی اہمیت پر بھی زور دیا اور کہا کہ تمام سیاسی و مذہبی جماعتیں اس آئین پر متفق ہیں اور اس کے نفاذ سے ملک کے بیشتر مسائل حل ہو سکتے ہیں۔

انہوں نے معیشت کے بارے میں بات کرتے ہوئے کہا کہ اگرچہ افراد کا مزاج مختلف ہو سکتا ہے، لیکن اصولوں اور اخلاقیات میں ہم آہنگی پیدا کر کے بدنیتی اور بدعنوانی کا خاتمہ کیا جا سکتا ہے۔ انہوں نے مزید کہا کہ ہمیں اپنے بچوں کو خطبہ حجۃ الوداع کی تعلیم دینی چاہیے تاکہ ہماری ظاہری اور باطنی زندگی میں یکسانیت آ سکے۔

جلسے کے اختتام پر شرکاء نے شیخ صاحب کے خیالات کو عقیدت سے سنا اور ان پر عمل کرنے کے عزم کا اظہار کیا۔

**رابطہ:**
دارالعرفان منارہ
فون:03335102235