جہلم : گزشتہ روز ڈپٹی کمشنر راؤ پرویز اختر کی زیر صدارت ضلع جہلم میں جاری ترقیاتی منصوبوں کا جائزہ لینے کے لیے ڈسٹرکٹ ڈویلپمنٹ کمیٹی کا اجلاس منعقد ہوا۔
جس میں ڈپٹی ڈائریکٹر ڈویلپمنٹ محمد اشتیاق، ایس ڈی او آرکیالوجی عمران احمد، سی ای او ایجوکیشن چوہدری معروف سمیت متعلقہ ایکسینز نے شرکت کی۔ ڈپٹی ڈائریکٹر ڈویلپمنٹ نے اجلاس میں سکول ایجوکیشن سیکٹر اور نندنہ فورٹ کے ترقیاتی منصوبوں کے بارے میں بریفننگ دی۔ انہوں نے بتایا کہ ضلع جہلم میں سکول ایجوکیشن کی 6 سکیموں میں سے 5 مکمل ہو چکی ہیں، چھٹی سکیم پر کام جاری ہے۔ ڈپٹی کمشنر نے ترقیاتی منصوبوں میں استعمال ہونے والے میٹیریل اور ریٹ لسٹ کے بارے میں تفصیلی بریفنگ لی۔ ڈپٹی کمشنر نے کچہری کالج میں انڈر گریجویٹ بلاک کی تعمیر کی بھی ہدایت کی۔ بعد ازاں ڈپٹی کمشنر راؤ پرویز اختر نے قلعہ نندنہ کی تزئین و آرائش اور باغاں والا گاؤں میں ہونے والے کام کی پیش رفت کا جائزہ لیا۔ ڈپٹی کمشنر نے متعلقہ محکموں کو ہدایت کی کہ وہ ترقیاتی کاموں کو ترجیحی بنیادوں پر معیاری طور پر کرنے کے ساتھ ساتھ بروقت مکمل کریں، اس ضمن میں کوئی کوتاہی برداشت نہیں کی جائے گی۔
