جہلم : الصدیق ویلفیئر سوسائٹی کے زیرِ اہتمام ضلع جہلم میں عید الاضحی سے پہلے 100 خاندانوں میں راشن تقسیم کیا گیا۔
تقریب ضلع کونسل ہال میں منعقد ہوئی جس کہ مہمان خصوصی ایڈیشنل ڈپٹی کمشنر جنرل عمر افتخار شیرازی تھے۔ ایڈیشنل ڈپٹی کمشنر نے الصدیق ویلفیئر سوسائٹی کی اس کاوش کو سراہا اور ضلعی انتظامیہ کی جانب سے ہر ممکنہ تعاون کی یقین دہانی کرائی۔ انہوں نے کہا کہ عید جیسے تہواروں میں ہمیں معاشرے کے مستحقِ افراد کا خاص خیال رکھنا چاہیے اور سماجی فلاح و بہبود کے کاموں میں بڑھ چڑھ کر حصہ لینا چاہیے۔ انہوں نے کہا کہ کسی بھی ضلع کی پہچان ایسے ہی صاحب ثروت افراد سے ہوتی ہے، باقی لوگوں کو بھی چاہیے کہ کار خیر کے کاموں میں اپنی حیثیت کے مطابق بھرپور طریقے سے حصہ لیں۔ انہوں نے کہا کہ عید الاضحی ہمیں قربانی اور بھائی چارے کا درس دیتی ہے جس کے لئے ضروری ہے کہ اس مقدس مذہبی تہوار پر ہم بھائی چارے کا مظاہرہ کرتے ہوئے مستحقین کاخاص خیال رکھیں
رپورٹ:احمد رضا جہلم
