اہم خبریںپاکستان

وزیراعظم نے معاون خصوصی ندیم افضل چن کا استعفیٰ منظور کر لیا

اسلام آباد: وزیراعظم عمران خان نے معاون خصوصی برائے پارلیمانی روابط ندیم افضل چن کا استعفیٰ منظور کر لیا ہے۔ اس حوالے سے کابینہ ڈویژن نے نوٹیفیکیشن بھی جاری کر دیا گیا ہے۔

ذرائع کے مطابق ندیم افضل چن کے مستعفی ہونے کے معاملے پر حکومتی وزرا نے وزیراعظم سے ان کا استعفیٰ منظور نہ کرنیکی درخواست کی تھی۔

جن وزرا نے وزیراعظم سے ندیم افضل چن کا استعفیٰ منظور نہ کرنے کی درخواست کی ان میں فواد چودھری، شیریں مزاری اور علی زیدی شامل تھے۔

خیال رہے کہ گزشتہ دنوں وزیراعظم عمران خان کے ترجمان اور معاون خصوصی برائے پارلیمانی رابطہ کاری ندیم افضل چن نے استعفیٰ دے دیا تھا۔

ذرائع کے مطابق ندیم افضل چن کے حکومت سے کئی امور پر اختلافات تھے۔ انہوں نے اپنا استعفیٰ وزیراعظم کو بھجوایا تھا۔ ندیم افضل چن سانحہ مچھ کے متاثرین کے پاس وزیراعظم کے تاخیر سے جانے کے ناقد تھے۔

انہوں نے 8 جنوری کو سماجی رابطوں کی ویب سائٹ پر اپنے بیان میں بے بسی کا اظہار کیا تھا کہ ‘اے بے یار ومددگار معصوم مزدوروں کی لاشوں، میں شرمندہ ہوں’۔

ذرائع کا کہنا ہے کہ ان کی بعض باتوں پر وزیراعظم کو بھی تحفظات تھے جس کے باعث دونوں میں تناﺅ کی کیفیت تھی۔ ندیم افضل چن بحیثیت ترجمان دیگر سیاستدانوں پر تنقید کے حوالے سے بھی کبھی وزیراعظم کی توقعات پر پورا نہیں اترے تھے۔

18 اپریل 2018ء کو پیپلز پارٹی چھوڑ کر تحریک انصاف میں شامل ہونے والے ندیم افضل چن نے اپنے استعفے کی تصدیق بھی کر دی تھی۔

ندیم افضل چن اور شہباز گل کی ٹویٹر پر جھڑپ بھی ہوئی۔ ذرائع کے مطابق ندیم افضل چن کو وزیراعظم نے دبے الفاظ میں استعفیٰ دینے کا اشارہ دے دیا تھا۔

دنیا نیوز کے مطابق ندیم افضل چن کے قریبی ذرائع نے بتایا ہے کہ وہ پی ٹی آئی کے ساتھ وابستہ رہیں گے تاہم معاون خصوصی کا عہدہ چھوڑا ہے۔

واضح رہے کہ منگل کے روز ہونے والے کابینہ کے اجلاس میں وزیراعظم نے واضح کیا تھا کہ جو شخص پارٹی کی پالیسی کے مطابق نہیں چل سکتا وہ استعفیٰ دیدے۔

MKB Creation

Mehr Asif

Chief Editor Contact : +92 300 5441090

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

MKB Creation
Back to top button

I am Watching You