راولپنڈی: پاک فوج کے سپہ سالار جنرل قمر جاوید باجوہ کا کہنا ہے کہ مستقبل کی جنگوں میں درپیش چیلنجز سے نمٹنے کے لیے بہترین تربیت لازم ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی )میجر جنرل بابر افتخار کی طرف سے سماجی رابطے کی ویب سائٹ ٹویٹر پر جاری کردہ بیان کے مطابق آرمی چیف جنرل قمر جاوید باجوہ نے بہاولپور کا دورہ کیا۔ بہاولپور پہنچنے پر کورکمانڈر بہاولپورلیفٹیننٹ جنرل سیّد محمد عدنان نے استقبال کیا۔
ڈی جی آئی ایس پی آر نے لکھا کہ آرمی چیف جنرل قمر جاوید باجوہ نے بہاولپور گیریژن میں جوانوں اور ان کے خاندانوں کے لیے سولجر کلب کا بھی افتتا ح کیا ،ائٓی ایس پی آر
#COAS visited Bahawalpur today. COAS was briefed on operational, training and administrative matters of Bahawalpur Corps. COAS also witnessed snipers’ training of soldiers who demonstrated successfully shooting targets at long ranges as far as 1500 meters. (1/4) pic.twitter.com/41Ykwfs1UF
— DG ISPR (@OfficialDGISPR) October 15, 2020
میجر جنرل بابر افتخار نے مزید لکھا کہ جنرل قمر جاوید باجوہ کو بہاولپور کور کے آپریشنل، تربیتی اور انتظامی امور پر بریفنگ دی گئی اور جوانوں کی سنائپر ٹریننگ کا معائنہ کیا۔
یہ بھی پڑھیں: آئین اور قانون کی رہنمائی میں منتخب حکومت کی مدد جاری رکھیں گے: آرمی چیف
ڈی جی آئی ایس پی آر کے مطابق سنائپر ٹریننگ کے دوران جوانوں نے 15 سو میٹر تک فاصلہ پر کامیابی سے اپنے ہدف کو نشانہ بنایا جبکہ سپہ سالار نے افسروں اور جوانوں کی پیشہ وارانہ مہارت کو سراہا۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار نے لکھا کہ مستقبل کی جنگوں میں درپیش چیلنجز سے نمٹنے کے لیے بہترین تربیت لازم ہے۔ جوانوں کی صلاحیت بڑھانے کے لیے بہترین تربیت اہم کردار کرتی ہے۔
