اسلام آباد: وزیراعظم نے چین نے کرپشن کے خلاف بھی جہاد کیا، چھوٹے لوگوں کو پکڑنے سے کرپشن ختم نہیں ہوتی، طاقتور کو قانون کے تابع کرنے تک ملک ترقی نہیں کرسکتا۔
وزیراعظم نے کراچی نیوکلیئر پاور پلانٹ یونٹ ٹو کا افتتاح کر دیا۔ اس موقع پر عمران خان نے کہا کہ چین کی مدد سے لگنے والا پلانٹ تھری جی ٹیکنالوجی پر مشتمل ہے، ملک میں کلین انرجی بہت ضروری ہے، پاور پلانٹ 1100 میگاواٹ بجلی پیدا کرے گا، پاور پلانٹ پاکستان اور چین کے اشتراک سے لگایا گیا، ملک کیلئے کلین انرجی بہت ضروری ہے، پاکستان کو سب سے زیادہ موسمیاتی تبدیلیوں کا سامنا ہے، منصوبے سے پاکستان کی افرادی قوت کی تربیت ہوگی۔
عمران خان کا کہنا تھا کہ پاک چین سفارتی تعلقات کو 70 سال مکمل ہونے کا دن منا رہے ہیں، چین کے ساتھ تعلقات عام عوام تک پہنچ گئے ہیں، چین کے ساتھ ہر سطح کے تعلقات ہیں، چین کے ساتھ عوام کا بھی جذباتی لگاؤ ہے، ایسے ملک سے دوستی ہے جس سے بہت کچھ سیکھ سکتے ہیں، گلوبل وارمنگ میں ایسے منصوبے کسی نعمت سے کم نہیں، چین ایسا ملک ہے جس کی مثال نہیں۔
