اہم خبریںدلچسپ و عجیب

دو منٹ کی واک بھی دماغ اور یادداشت کیلئے مفید قرار

سٹاک ہوم: (ویب ڈیسک) ایک طبی تحقیق میں یہ بات سامنے آئی ہے کہ دو منٹ کی واک بھی فوری طور پر دماغ اور یادداشت کو بہتر بناسکتی ہے۔

تفصیلات کے مطابق سویڈن میں ہونے والی اس تحقیق میں اگرچہ صرف 13 طلبہ و طالبات نے حصہ لیا ہے جن کی عمریں 18 سے 35 برس تھیں لیکن شماریاتی لحاظ سے یہ سروے اپنی جگہ اہمیت رکھتا ہے۔ دوسری جانب ماہرین نے دنیا کے یگر حصوں میں ہونے والی 13 تحقیقات کا باریکی سے جائزہ بھی لیا ہے۔

اس سے پہلے بھی کئی تحقیقات سے ظاہر ہوچکا ہے کہ ورزش کرنے اور دوڑنے سے دماغ میں ایسے پروٹین کی پیداوار بڑھ جاتی ہے جسے ’برین ڈرائیوڈ نیوروٹروفِک فیکٹر‘ کہا جاتا ہے۔

یہ بھی پڑھیں: حمل کے دوران اچھی غذا مستقبل میں بچوں کی صحت کیلئے بھی فائدہ مند

یہ پروٹین ایک جانب تو یادداشت کو مضبوط بناتا ہے تو دوسری جانب کسی بھی کام پر ہماری توجہ اور ارتکاز میں اضافہ کرتا ہے۔ لیکن اب ماہرین کہہ رہے ہیں کہ انہوں نے صرف دو منٹ سائیکل چلانے، دوڑنے یا تیز قدموں سے چہل قدمی کرنے کے عمل کو دماغ کے لیے مفید قرار دیا ہے۔ اس ضمن میں سویڈن کی دو جامعات، جونکوپنگ اور لنکوپنگ یونیورسٹی کے ماہرین نے ایک جانب تو درجن بھر افراد پر تحقیق کی ہے لیکن ساتھ ہی لگ بھگ 13 عالمی مطالعات کا جائزہ بھی لیا ہے۔

جب شرکا کو چند منٹوں تک دوڑایا گیا یا سائیکل چلانے کو کہا تو اس کے ایک گھنٹے کے اندر 15 بے ربط الفاظ کا ٹیسٹ لیا گیا۔ اس ٹیسٹ میں ان افراد کی کارکردگی بہتررہی جو دو منٹ تک دوڑے تھے یا پھر سائیکل وغیرہ چلائی تھی۔ اس سے ظاہر ہوتا ہےکہ معمولی وقت کی جسمانی ورزش بھی ایک گھنٹے کے اندر اندر اپنے مثبت اثرات ظاہر کرتی ہے۔

یہ بھی پڑھیں: موٹاپا بھگانے کیلئے نیند پوری کرنا بھی ضروری ہے

اس تحقیق کے بعد جامعات کے سائنسدانوں نے کہا ہے کہ اگر آپ مصروف ہیں تو دن میں کئی بار ایئروبک ورزش، یا جسمانی ورزش کی جاسکتی ہے جبکہ مختصر وقت کے لیے چہل قدمی کرتے ہوئے دماغی صلاحیت کو بھی بڑھایا جاسکتا ہے۔

MKB Creation

Mehr Asif

Chief Editor Contact : +92 300 5441090

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

MKB Creation
Back to top button

I am Watching You