تقریر میں واضح کیا عمران خان کے مجھ پر احسانات ہیں، پرویز خٹک کا وضاحتی ٹویٹ

پشاور: وزیر دفاع پرویز خٹک نے وضاحتی ٹویٹ میں کہا ہے تقریر میں واضح کیا کہ عمران خان کے مجھ پر بہت احسانات ہیں، ان کا مقروض ہوں۔ ہماری کوششوں اور وزیراعظم کی وجہ سے اپوزیشن کو شکست دی۔

اس سے پہلے پرویز خٹک کی کارنر میٹنگ کی ویڈیو وائرل ہوئی جس میں انہوں نے کہا تھا کہ اگر وہ خرابی کریں تو عمران خان کی حکومت ایک دن بھی نہ چلے۔ پورے پاکستان کی اپوزیشن میری عزت کرتی ہے، اسمبلی کے سارے ممبران کو سنبھالتا ہوں، عمران خان کی حکومت میں اگر میں خرابی کروں تو ایک دن بھی نہیں چل سکتی۔

کارنر میٹنگ میں وزیر دفاع نے مزید کہا تھا کہ میں جس سے اختیار لے لوں تو وہ خود ہی صفر ہو جاتا ہے۔ یہ میری محنت اور کوشش ہے کہ آج میں پورے پاکستان سے مقابلہ کر رہا ہوں۔عمران خان کے مجھ پر بہت احسانات ہیں۔

https://twitter.com/intent/like?ref_src=twsrc%5Etfw%7Ctwcamp%5Etweetembed%7Ctwterm%5E1355770088192942081%7Ctwgr%5E%7Ctwcon%5Es1_&ref_url=http%3A%2F%2Furdu.dunyanews.tv%2Findex.php%2Fur%2FPakistan%2F585807&tweet_id=1355770088192942081