سپیکر ملک محمد احمد خان سے لاڈز لا کالج کے طلبہ کی پنجاب اسمبلی میں ملاقات

سپیکر ملک محمد احمد خان سے لاڈز لاء کالج کے طلبہ نے پنجاب اسمبلی میں ملاقات کی۔

ملاقات میں طلبہ کو پنجاب اسمبلی کی کارروائی، کمیٹی سسٹم اور ایوان میں ہونے والی قانون سازی کے حوالے سے بریفنگ دی گئی۔

سپیکر ملک محمد احمد خان نے کہا کہ پارلیمنٹ جمہوریت کا اہم ستون ہے، قانون سازی کے عمل میں نوجوان نسل کا آگاہی حاصل کرنا ضروری ہے، پارلیمان عوام کی آواز ہے۔

ملک محمد احمد خان نے کہا کہ ہماری ذمہ داری ہے کہ ہم لوگوں کے مسائل کو حل کرنے کے لیے قوانین بنائیں، قانون سازی کا عمل نہایت شفاف اور منظم ہوتا ہے جس میں ہر رکن کی شمولیت کو یقینی بنایا جاتا ہے۔

دورے کا مقصد طلبہ کو قانون سازی کے عمل سے آگاہ کرنا اور ان میں پارلیمانی فہم و ادراک پیدا کرنا تھا تاکہ وہ مستقبل میں بہتر رہنمائی اور خدمت کے قابل ہو سکیں۔