ڈپٹی کمشنر جہلم کامران خان کی زیرصدارت تحصیل آفس جہلم میں ریونیو عوامی خدمت کچہری کا انعقاد۔
انہوں نے ماہانہ ریونیو عوامی خدمت کچہری کی صدارت کرتے ہوئے شہریوں کے درستگی ریکارڈ، اجراء فرد اراضی، اندراج انتقالات، رجسٹری اور ڈومیسائل کے اجراء سمیت ریونیو سے متعلقہ دیگر امور کے بارے میں عوامی مسائل سنے اور ان کے بلا تاخیر حل کے لئے احکامات جاری کئے۔ انہوں نے تحصیل آفس میں مختلف برانچز کا دورہ کر کے ریکارڈ کا بھی جائزہ لیا اور گزشتہ چھ ماہ سے زیر التوا کیسز کی رپورٹ پیش کرنے کی ہدایت کی۔
