اے این ایف کے زیر اہتمام اسلام آباد میں منشیات جلانے کی مرکزی تقریب کا انعقاد۔
دورانِ تقریب 18.575 ٹن منشیات کو نذرِ آتش کر دیا گیا۔
تفصیلات کے مطابق، اینٹی نارکوٹکس فورس نے ڈی ایچ اے ویلی، اسلام آباد میں 24 نومبر 2021 کو مرکزی منشیات جلانے کی تقریب کا اہتمام کیا۔ جس میں وفاقی وزیر انسدادِ منشیات، اعجاز احمد شاہ نے مہمان خصوصی کی حیثیت سے شرکت کی۔ دیگر مہمانوں میں قائمہ کمیٹی برائے نارکوٹکس کنٹرول، وفاقی سیکرٹری وزارت نارکوٹکس کنٹرول، ڈی جی اے این ایف میجر جنرل غلام شبیر ناریجو، غیر ملکی معززین، قانون نافذ کرنے والے اداروں کے حکام، عدلیہ اور سول انتظامیہ کے نمائندے، تعلیمی اداروں کے سربراہان، بین الاقوامی شراکت داران، این جی اوز، سول سوسائٹی، قومی ہیروز، مشہور شخصیات/اسٹارز، میڈیا پرسنز اور طلباء و طالبات کی کثیر تعداد نے شرکت کی۔
اس موقع پر خطاب کرتے ہوئے ڈائریکٹر جنرل اینٹی نارکوٹکس فورس میجر جنرل غلام شبیر ناریجو نے کہا کہ منشیات صرف ایک لعنت نہیں بلکہ انسانیت کے لئے سب سے زیادہ نقصان دہ اور زندگی کو لاحق خطرات میں سے ایک ہے اور اس بات کو اجاگر کیا کہ کوئی بھی ملک یا تنظیم منشیات کے خلاف اکیلے طور پر جنگ نہیں کر سکتی؛ یہ قومی اور بین الاقوامی سطح پر مشترکہ ذمہ داری ہے۔
انہوں نے مزید کہا کہ، یہ خطہ دنیا کی 90 فیصد سے زیادہ افیون پیدا کرتا ہے جو پاکستان کو ایک راہداری کا شکار ہونے کے ساتھ ساتھ ٹرانزٹ ملک کے دوہرے خطرے میں ڈال دیتا ہے، اے این ایف کی کوششوں کے باعث پاکستان 2001 سے بین الاقوامی معیار کے مطابق پوپی فری اسٹیٹ کی حیثیت حاصل کر لی ہے۔
اے این ایف نے تعلیمی اداروں پر خصوصی توجہ کے ساتھ معاشرے بھر میں قوم بھر "انسداد منشیات آگاہی مہم” کا آغاز کیا ہے۔ اے این ایف منشیات کے استعمال کے خلاف عوام کو تعلیم دینے کے لئے بڑے پیمانے پر آگاہی اور کمیونٹی پارٹیشن پروگرام میں قائدانہ کردار ادا کرتی رہی ہے۔ ہم مسلسل اپنی کوششوں کو قومی اور بین الاقوامی سطح پر سمیٹ رہے ہیں۔
اے این ایف "ڈرگ فری سوسائٹی” اور "نشے سے انکار” کے مقصد کے حصول کے لئے کوشاں ہے اور اپنے تفویض کردہ مینڈیٹ کو بھرپور طریقے سے انتہائی لگن اور عزم کے ساتھ سرانجام دے رہی ہے۔
انہوں نے مزید کہا، اے این ایف انسداد منشیات کے حوالے سے قانون نافذ کرنے والا پاکستان کا اولین ادارہ ہے، اگرچہ تعداد میں کم ہے، اس کے باوجود وہ پورے عزم، لگن اور یقین کے ساتھ تفویض کردہ مشن پر عملدرآمد کررہی ہے۔
تقریب کے دوران 18.575 ٹن منشیات نذرآتش کی گئیں جس میں 14249.49 کلو گرام چرس، 1701.386 کلو گرام افیون، 921.704 کلو ہیروئن، 174.094 کلو گرام ایمفیٹامائن، 28.804 کلو میتھامفیٹامائن، 52.65 کلو کیٹامائن، 2.45 کلو کوکین، 115321 عدد زیناکس گولیاں، 3517 عدد ایکسٹسی گولیاں، 4700 عدد الپرازولیم گولیاں، 6500 عدد روچی گولیاں اور بھاری مقدار میں مختلف قسم کی منشیات اور ممنوعہ کیمیائی مواد شامل ہے۔
اس موقع پر خطاب کرتے ہوئے مہمان خصوصی جناب اعجاز احمد شاہ، وفاقی وزیر نارکوٹکس کنٹرول نے کہا کہ پاکستان کو اندرونی اور بیرونی خطرات کا سامنا ہے، اور ایسے حالات میں منشیات کا جرم ہمارے معاشرے کو بری طرح متاثر کر رہا ہے۔ لہذا، اس خطرے سے آہنی ہاتھوں سے نمٹنا لازمی ہے. انہوں نے مزید کہا کہ قومی اینٹی نارکوٹکس پالیسی 2019ء منشیات کے خاتمے کے مشن میں نمایاں پیشرفت ہے، جو منشیات کے عالمی اور علاقائی ماحول کو مدنظر رکھتی ہے
معزز وفاقی وزیر نے قومی، علاقائی اور عالمی سطح پر غیر قانونی منشیات کی اسمگلنگ کا مقابلہ کرنے میں اے این ایف کی کامیابیوں اور اس کے کردار کو ایک خصوصی قوت کے طور پر سراہا۔ اے این ایف قومی اور بین الاقوامی سطح پر منشیات کی اسمگلنگ کا مقابلہ کرنے کی غیر معمولی کوششیں سرانجام دے رہی ہے۔ انہوں نے مزید کہا کہ قانون نافذ کرنے والے ادارے اکیلے میں ہمارے معاشرے میں منشیات کے استعمال کے مہلک اور جان لیوا اثرات کا موثر مقابلہ نہیں کرسکتے۔ معاشرے کے تمام طبقات کو اپنا کردار ادا کرنا ہوگا کہ وہ منشیات کے خاتمے میں اپنا کردار ادا کریں۔
انہوں نے حکومت کی جانب سے منشیات کے خاتمے کے لئے اے این ایف کو ہر ممکن تعاون کی یقین دہانی کروائی۔
آخر میں ڈی جی اے این ایف میجر جنرل غلام شبیر ناریجو نے ملک، خطے، اور دنیا کو منشیات سے مکمل طور پر پاک بنانے کے عزم کے ساتھ تمام معزز مہمانوں کا شکریہ ادا کیا۔
رپورٹ:افتخار خٹک راولپنڈی
