کے پی کابینہ نے ہائیکورٹ ججزکیلئے گاڑیوں کی خریداری کی منظوری دیدی
کے پی کابینہ نے ہائیکورٹ ججزکیلئے گاڑیوں کی خریداری کی منظوری دیدی۔
کابینہ نے کیلشیم، امونیم نائٹریٹ اورپوٹیشم کلورائیٹ کو بارودی مواد قراردینےکی منظوری بھی دی۔
پشاور(نمائندہ فاطمہ جعفر)گلوبل ٹائمز میڈیا یورپ کے مطابق کے پی کے کابینہ نے ہائیکورٹ ججز کیلئے گاڑیوں کی خریداری کی منظوری دے دی۔وزیراعلیٰ کے پی علی امین گنڈاپور کی سربراہی میں کابینہ کا اجلاس ہوا جس میں ہائیکورٹ ججزکیلئے گاڑیوں کی خریداری کی منظوری دی گئی، اس کے علاوہ کابینہ نے کیلشیم، امونیم نائٹریٹ اورپوٹیشم کلورائیٹ کو بارودی مواد قراردینےکی منظوری بھی دی۔
کابینہ اجلاس میں ریگی ماڈل ٹاؤن میں خیبرپختونخوا جوڈیشل اکیڈمی کی تعمیر کیلئے کمیٹی تشکیل دی گئی.کابینہ نے خیبرپختونخوا ہیلتھ فاؤنڈیشن کے بورڈ آف گورنر اور منرلز ڈیولپمنٹ اینڈ مینجمنٹ کمپنی کےقیام کی بھی منظوری دے دی۔اس کے علاوہ اجلاس میں پاکستان بورڈ آف ٹوبیکو کےدوبارہ قیام سمیت خصوصی بچوں کے اسکولوں کے اساتذہ کی اپ گریڈیشن کا فیصلہ بھی کیا گیا۔
