کراچی (اسٹاف رپورٹ)معروف تاجر رہنما اور پاکستان بزنس گروپ کے بانی و چیئرمین فرازالرحمان

کراچی (اسٹاف رپورٹ)معروف تاجر رہنما اور پاکستان بزنس گروپ کے بانی و چیئرمین فرازالرحمان نے گورنر سندھ کی حمایت کرتے ہوئے کہا ہے کہ کامران ٹیسوری کےعوامی فلاح و بہبود کے اقدامات مثالی ہیں اور ان کے اقدامات سے عام آدمی کو بہت فائدہ ہو رہا ہے۔اپنے ایک بیان میں انہوں نے وزیر اعظم شہباز شریف سے مؤدبانہ درخواست کی کہ کامران ٹیسوری کو بطور گورنر سندھ کام کرنے دیا جائے، انہوں نے کہا کہ کامران خان ٹیسوری کےاقدامات سب کے سامنے ہیں، انہوں نے بزنس کمیونٹی کے ساتھ ساتھ تمام شعبہ ہائے زندگی کے افراد کے مسائل کو حل کیا ہے۔ انہوں نے کہا کہ ایس آئی ایف سی کے منصوبوں کی سندھ آمد کے تناظر میں کامران خان ٹیسوری کی بطور گورنر سندھ موجودگی ضروری ہے۔انہوں نے گورنر کامران ٹیسوری کی جانب سے کراچی کے نوجوانوں و بے روزگار افراد کے لئے ”گورنر سندھ روزگار اسکیم“ شروع کرنے کے  اعلان کو قابل تعریف قرار دیتے ہوئے کہا کہ امید ہے گورنر سندھ پاکستان بزنس گروپ کی اسکیم بنو کاروباری کو سپورٹ کرینگے۔ان کا کہنا تھا کہ بنو کاروباری اسکیم کے تحت نوجوانوں، بے روزگار افراد کو روزگار شروع کرنے میں مدد فراہم کی جائے گی۔انہوں نے کہا کہ ہم چاہتے ہیں نئے اسٹارٹس اپس کو پروموٹ کیا جائے کیونکہ شہر کراچی میں بہت سے پڑے لکھے نوجوان بے روزگار ہیں اور روزگار کی کمی ہے، اگر اس شہر کے لوگ روزگار سے لگ جائیں تو صوبے کے لئے اس سے بڑی کوئی بات نہیں ہوگی۔