پیراپلیجک سنٹر پشاور میں ولڈ کلب فٹ ڈے کے حوالے سے ایک پُروقار تقریب کا اہتمام کیا گیا

پیراپلیجک سنٹر پشاور میں ولڈ کلب فٹ ڈے کے حوالے سے ایک پُروقار تقریب کا اہتمام کیا گیا۔

جس کے مہمان خصوصی ڈی جی پی ڈی اے، کیپٹن ریٹائر خالد محمود تھے۔

پشاور(نمائندہ خصوصی)گلوبل ٹائمز میڈیا یورپ کے مطابق 3 جون دنیا بھر میں ورلڈ کلب فٹ ڈے کے طور پر منایا جاتاہے ۔ تاکہ لوگوں میں اس پیدائشی نقص کے حوالے سے بیداری پیدا کی جائے۔ کلب فٹ ایک ایسی حالت ہے جو دنیا بھر میں لاکھوں لوگوں کو متاثر کرتی ہے، اور جلد تشخیص کرنے سے بروقت علاج ممکن ہو جا تا ہے۔ اس دن کے منانے کا مقصد اُن بچوں کی حوصلہ افزائی کرنی ہے، جن کا علاج ہوچکا ہے یا زیر علاج ہیں۔ اور اسکے ساتھ اُن میڈیکل پروفیشنلز کو خراج تحسین بھی پیش کرنا ہے، جو اس لمبے اور صبر آزما علاج میں اپنا کردار اداکرتے ہیں۔کلب فٹ سب سے عام پیدائشی نقائص میں سے ایک ہے اور عالمی سطح پر جسمانی معذوری کی ایک بڑی وجہ ہے۔ کلب فٹ آسانی سے پہچانا جا سکتا ہے اس میں پاؤں اندر اور اوپر کی طرف مڑے ہوتے ہیں۔ علاج نہ کیے جانے سے یہ معذوری چلنے پھرنے کو انتہائی مشکل اور تکلیف دہ بنا دیتی ہے۔ تاہم، ان کے پیروں کی پوزیشن واحد طبی رکاوٹ ہے جو کلب فٹ والے زیادہ تر بچوں کو مکمل طور پر فعال زندگی گزارنے سے روکتی ہے۔ آج کل دُنیا میں 9.8 ملین لوگ زندہ ہیں، جو کلب فٹ کے ساتھ پیدا ہوئے تھے، اور ان میں سے 7.8 ملین مناسب علاج تک رسائی نہ ہونے کی وجہ سے معذوری کے ساتھ زندگی گزار رہے ہیں۔سالانہ، ایک اندازے کے مطابق 200,000 بچے (یا 800 میں سے 1 پیدائش) کلب فٹ کے ساتھ پیدا ہوتے ہیں۔ مناسب علاج کے ساتھ، 95% سے زیادہ مکمل طور پر ٹھیک ہوجاتے ہیں۔ علاج کے بغیر، بچے شدید خرابی کے ساتھ رہتے ہیں اور زندگی بھر منفی صحت، سماجی اور معاشی نتائج کو برداشت کرتے ہیں۔میریکل فیٹ سب سے بڑی عالمی تنظیم ہے جو مکمل طور پر کلب فٹ کے علاج کے لیے وقف ہے۔ میریکل فیٹ نے مقامی ہسپتالوں (اداروں) کے ساتھ ملکر کلب فٹ سے متاثرہ بچوں کا مفت علاج کرنے کی ذمہ داری لی ہے اور انکی کوشش ہے کہ کلب فٹ کے علاج کو مقامی ہیلتھ کیئر سسٹم مین شامل کریں۔ میریکل فیٹ کلب فٹ کا علاج انتہائی موثر اور جدید طریقے یعنی پونسیٹی تکنیک سے کرتی ہے جس میں پیروں کو نرمی سے تبدیل کرنے کے لیے ہفتہ وار پلاسٹرز اور اچیلیس ٹینڈن کی ٹیناٹمی کا ایک سادہ طریقہ کار شامل ہے، اس کے بعد پاؤں کےلیے خاص جوتوں کا استعمال، 4-5 سال تک سوتے وقت کیا جاتا ہے تاکہ دوبارہ مُڑنے کے امکانات کو کم کیا جا سکے۔ . بچپن میں علاج کے شروع ہونے پر، پاؤں کی پوزیشن عام طور پر چھ سے آٹھ ہفتوں کے اندر درست ہو جاتی ہے۔میریکل فیٹ ایک عالمی، فلاحی غیر منافع بخش تنظیم ہے جو اس بات کو یقینی بنانے کے لیے کام کر رہی ہے کہ کلب فٹ کے ساتھ پیدا ہونے والے ہر بچے کو اس طبی نگہداشت تک رسائی حاصل ہو۔ میریکل فیٹ مقامی صحت کے کارکنوں اور تنظیموں کے ساتھ شراکت دار ہے تاکہ کم خرچے میں مکمل علاج کیاجائے۔ 2010 میں قائم کیے گیے، میریکل فیٹ نے پہلے ہی 37 ممالک میں 433 کلینکس میں 95,000+ بچوں کی زندگیوں کو تبدیل کرنے میں مدد کی ہے۔ پیراپلیجک سنٹر پشاور 2018 سے کلب فٹ کے ساتھ پیداہونے والے بچوں کا بالکل مفت علاج کررہا ہے ۔ جس میں ان بچوں کی ابتدائی کاسٹنگ سے لے کر 4-5 سال تک مکمل بحالی شامل ہے۔ جس میں مفت علاج کے ساتھ زکواۃ کے مستحق خاندانوں کو آنے جانے کا کرایہ بھی دیا جاتاہے تاکہ کوئی بھی بچہ غربت کی وجہ سے لاعلاج نہ رہ سکے۔ اس پروگرام کے تحت اب تک 3666 سے ذیادہ کلب فٹ بچوں کا بالکل مفت علاج ہوچکا ہے۔ اور اس کے ساتھ خیبر پختون خواہ کے تین بڑے سپتالوں (خیبر ٹیچنگ ہسپتال ، سیدوٹیچنگ ہسپتال، ایوب ٹیچنگ ہسپتال) میں کلب فٹ کلینکس قائم کیے ہیں۔ اور اسلام آباد میں نیشنل انسٹی ٹیوٹ اف ری ہیبلیٹیشن میڈیسن میں بھی ایک کلینک قائم کیاہے)۔ پیراپلیجک سنٹر پشاور کے چیف ایگزیکٹیو ، ڈاکٹر سید محمد الیاس اور ڈائریکیٹر ری ھیب/کلب فٹ پروگرام کوارڈینیٹر نے کلب فٹ کے پروگرام اور اسکی مزید توسیع پر تفصیلی گفتگو کی۔اور اس بات کا اعادہ کیاکہ مستقبل میں ڈویژنل سطح پر ایک جدید پونزیٹی کلب فٹ کلینک قائم کریں گے۔ پروگرام کے مہمان خصوصی ڈی جی پی ڈی اے کیپٹن ریٹائرڈ خالد محمود نےپیراپلیجک سنٹر پشاور میں کلب فٹ کے لیے کی جانے والی خدمات کو سراہا اور تمام سٹاف ممبرز کو اس کامیابی کے موقع پر مبارکباد دی اور مستقبل میں بھرپور مدد کا وعدہ بھی کیا۔ آخرمیں مہمان خصوصی، چیف ایگزیکٹیوڈاکٹر سید محمد الیاس اور ڈائریکٹر ریحیب پیراپلیجک سنٹر نے بچوں میں تحائف تقسیم کیے۔