غزہ میں بڑے پیمانے پر امداد کی ترسیل ابھی تک شروع نہیں ہوسکی۔ریڈکراس
غزہ میں بڑے پیمانے پر امداد کی ترسیل ابھی تک شروع نہیں ہوسکی۔ریڈکراس
غزہ سے باہر میڈیکل کوریڈورزکی بحالی فوری طور پر ضروری ہے۔عہدیدار ڈبلیو ایچ او
اٹلی(انٹرنیشنل ڈیسک) گلوبل ٹائمز میڈیا یورپ کے مطابق بین الاقوامی امدادی تنظیم ریڈ کر اس کا کہنا ہے کہ غزہ میں بڑے پیمانے پر امداد کی ترسیل ابھی تک شروع نہیں ہو سکی ہے۔غیر ملکی میڈیا کے مطابق ریڈ کراس کے ترجمان نے کہاکہ غزہ جنگ بندی کے بعد فریقین کی جانب سے انسانی باقیات کی حوالگی بہت بڑاچیلنج ہے اور ریڈ کراس فریقین کی انسانی باقیات کی حوالگی میں سہولت دے گی۔ترجمان ریڈکراس نے کہا کہ اسرائیل حماس جنگ سے لاشوں کی واپسی سب سے پیچیدہ مرحلہ ہے اور اس میں کافی وقت بھی لگ سکتا ہے۔ ترجمان کا کہنا تھاکہ غزہ میں بڑے پیمانے پر امداد کی ترسیل ابھی تک شروع نہیں ہو سکی ہے۔دوسری جانب ڈبلیو ایچ او کا کہنا ہے کہ غزہ سے باہر میڈیکل کوریڈورزکی بحالی فوری طور پر ضروری ہے۔
