سال کے آخر تک دنیا کی نصف آبادی کو خسرہ کی وبا کا سامنا کرنا پڑ سکتا ہے۔عالمی ادارہ صحت
کئی ممالک میں رواں سال لوگوں کو خسرہ سے بچاو کے ٹیکے نہیں لگائے گئے ہیں۔سینئر مشیر عالمی ادارہ صحت
جنیوا(نمائندہ ریاض احمد)گلوبل ٹائمز میڈیا یورپ کے مطابق عالمی ادارہ صحت نے خبردار کیا ہے کہ اگر فوری اقدامات نہ کیے گئے تو سال کے آخر تک دنیا کے نصف سے زیادہ ممالک کو خسرہ کی وباء کا سامنا کرنا پڑ سکتا ہے۔عالمی ادارہ صحت کی سینئر مشیر کا جنیوا میں پریس بریفنگ کے دوران کہنا تھا کہ کئی ممالک میں رواں سال لوگوں کو خسرہ سے بچاؤ کے ٹیکے نہیں لگائے گئے ہیں۔انہوں نے کہا کہ خدشہ ہے کہ اگر ہم نے ان علاقوں میں جلد ویکسین نہیں پہنچائی تو ان علاقوں میں خسرہ پھیل سکتا ہے۔عالمی ادارہ صحت کے اعداد و شمار کے مطابق گزشتہ سال دنیا بھر میں خسرہ کے کیسز 79 فیصد بڑھ کر 3 لاکھ سے زیادہ ہو گئے تھے۔
