جہلم : ڈپٹی کمشنر نعمان حفیظ نے تحصیل سوہاوہ دورہ کے موقع پر سپورٹس سٹیڈیم سوہاوہ،
اراضی ریکارڈ سنٹر اور تحصیل ہیڈکوارٹر ہسپتال سوہاوہ کا بھی دورہ کیا۔ ڈپٹی کمشنر نے تحصیل ہیڈکوارٹر ہسپتال کے دورہ کے موقع پر ہسپتال کی مختلف وارڈز، ادویات کے سٹاک اور ویکسینیشن کے عمل کا جائزہ لیا، ساتھ ہی ساتھ انہوں نے مریضوں کی عیادت کی اور انکے لواحقین سے ہسپتال میں مہیا کی جانے والی سہولیات کے بارے میں دریافت کیا۔ انہوں نے ہسپتال انتظامیہ کو ہدایت کی کہ مریضوں کو بہتر سہولیات کی فراہمی میں کوئی کوتاہی نہ برتی جائے۔
رپورٹ:فیصل حسین جنجوعہ تحصیل رپورٹر سوہاوہ
