لاہور: جاتی امرا میں بلاول بھٹو نے مریم نواز سے ملاقات کی ہے جس میں سینیٹ الیکشن سمیت سیاسی صورت حال پر تبادلہ خیال کیا گیا، ملاقات میں حکومت مخالف تحریک کے اگلے مرحلے پر بھی غور کیا گیا۔
پاکستان پیپلزپارٹی کے وفد میں سابق وزیراعظم یوسف رضا گیلانی، قمر زمان کائرہ اور چودھری منظور شامل ہیں۔ لیگی رہنما مریم نواز نے خواجہ سعد رفیق اور پرویز رشید کے ہمراہ بلاول بھٹو زرداری اور ان کے وفد کا استقبال کیا۔ پارٹی ذرائع کے مطابق مریم نواز پیپلزپارٹی کے وفد کے اعزاز میں ظہرانہ بھی دینگی۔
