خلائی دوربین ہبل Hubble space telescope سے لی گئی ایک شاہکار تصویر
#عجائباتِ_کائنات
خلائی دوربین ہبل Hubble space telescope سے لی گئی ایک شاہکار تصویر۔
19 اکتوبر 2014 کے دن سیارہ مریخ کے قریب سے گزرتا ہوا ایک دمدار ستارہ Comet Siding spring۔ جس وقت یہ تصویر لی گئی تھی، تب سیارہ مریخ اور اس دُمدار ستارے کے درمیان فاصلہ 138000 کلومیٹر تھا (یعنی زمین اور چاند کے درمیانی فاصلے کا ایک تہائی)
اس تصویر میں سرخ نظر آنے والا فلکیاتی جسم سیارہ مریخ ہے اور سفید رنگ کو اپنے پیچھے بکھیرتا ہوا فلکیاتی جسم ایک دمدار ستارہ ہے۔ جسے Siding Spring یا C/2013 A1 کہا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیارہ مریخ کو تھوڑا غور سے دیکھیں تو ہمیں اس کے دونوں قطبین (Poles) پر سفید رنگ نظر آ رہا ہے، یہ دراصل جمی ہوئی برف ہے۔ بالکل زمین کے قطبین کی طرح مریخ کے قطبین بھی برف سے ڈھکے ہوئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دُمدار Comet ستارہ کیا ہوتا ہے؟
سورج کے گرد چکر لگا رہے برف اور دھول کے پارٹکلز پر مشتمل وہ فلکیاتی اجسام کہ جب یہ آگے طرف بڑھتے ہیں تو سورج کی گرمی کی وجہ سے یہ اپنے پیچھے دھول اور برف کی ایک لمبی دُم چھوڑتے جاتے ہیں، اسی لئے انہیں دمدار ستارے کہا جاتا ہے۔ دُمدار ستاروں کا مدار (Orbit) انتہائی بیضوی ہوتا ہے۔
دمدار ستارہ Siding Spring ۔ 3 جنوری 2013 کو دریافت کیا گیا تھا۔ دریافت کے وقت یہ سورج سے تقریبا ایک ارب کلومیٹر سے بھی زیادہ دور تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خلائی دوربین ہبل زمین سے 540 کلومیٹر دور خلاء میں رہ کر فلکیاتی مناظر کو تصاویر میں محفوظ کرتی ہے۔
