پشاور میں لائیو اسٹاک ایکسپو کے حوالے سے تقریب کا انعقاد کیا گیا
پشاور میں لائیو اسٹاک ایکسپو کے حوالے سے تقریب کا انعقاد کیا گیا۔
جس میں سابق ڈی جی لائیو اسٹاک و صوبائی رہنما پی پی پی پی ڈاکٹر عالمزیب خان مہمند نے بطور مہمان خصوصی شرکت کی۔
پشاور(نمائندہ فاطمہ جعفر)گلوبل ٹائمز میڈیا یورپ کے مطابق پشاور میں منعقدہ لائیو سٹاک ایکسپو میں سابق ڈائریکٹر جنرل لائیو سٹاک،صوبائ رہنما پاکستان پیپلز پارٹی ڈاکٹر عالم زیب مہمند نے بطور مہمان خصوصی شرکت کی۔ایکسپو کے منتظمین نے ڈاکٹر عالم زیب مہمند کا پرتپاک استقبال کیا اور ان کو ایکسپو میں موجود مختلف اسٹالز دکھائے۔ڈاکٹر عالم زیب مہمند نے ایکسپو میں موجود تمام اسٹالز کا معائنہ کیا، جہاں جدید آلات، جانوروں کی دیکھ بھال کے طریقے، اور لائیو سٹاک کے حوالے سے معلوماتی مواد موجود تھا۔ انہوں نے بہترین انتظامات پر منتظمین کی بھرپور تعریف کی۔اپنے خطاب میں ڈاکٹر عالم زیب مہمند نے کہا کہ ایسے ایکسپوز لائیو سٹاک کے شعبے کی ترقی میں نہایت اہم کردار ادا کرتے ہیں۔ انہوں نے اس بات پر زور دیا کہ کسانوں کو ان ایکسپوز کے ذریعے جدید تکنیکوں، تحقیق، اور جانوروں کی بہتر دیکھ بھال کے طریقوں سے آگاہ کیا جاتا ہے، جو مستقبل میں مویشی پالنے کی صنعت کو مزید ترقی دینے میں مددگار ثابت ہو سکتے ہیں۔ڈاکٹر عالم زیب مہمند نے کہا کہ ان ایکسپوز کے ذریعے کسانوں کو دودھ کی پیداوار میں اضافہ کرنے کے جدید طریقے سکھائے جاتے ہیں۔ بہتر خوراک، اعلیٰ نسل کے جانور، اور جدید تکنیکوں سے کسان اپنی پیداوار میں نمایاں اضافہ کر سکتے ہیں۔انہوں نے اس بات پر بھی زور دیا کہ جانوروں کی صحت کے حوالے سے ویکسینیشن اور بیماریوں کے کنٹرول کی آگاہی انتہائی اہم ہے۔ ایکسپوز میں موجود ماہرین کسانوں کو جانوروں کی مختلف بیماریوں کے علاج اور بروقت ویکسینیشن کے فوائد سے آگاہ کرتے ہیں۔ڈاکٹر عالم زیب نے کہا کہ ایسے ایکسپوز نہ صرف کسانوں کو جدید تحقیق اور تکنیکوں سے روشناس کراتے ہیں بلکہ انہیں اپنی پیداوار اور جانوروں کی صحت کو بہتر بنانے کے حوالے سے نئی راہیں دکھاتے ہیں، جو لائیو سٹاک کے شعبے کو مزید ترقی کی طرف لے جا سکتی ہیں۔انہوں نے کسانوں کو مخاطب کرتے ہوئے کہا کہ وہ ان ایکسپوز سے زیادہ سے زیادہ استفادہ حاصل کریں تاکہ اپنے مویشیوں کی صحت اور پیداوار کو بہتر بنا سکیں، جس سے نہ صرف ان کی معاشی حالت بہتر ہوگی بلکہ لائیو سٹاک کا شعبہ بھی فروغ پائے گا۔
