ڈپٹی کمشنر جہلم کامران خان کا محرم الحرام کے حوالے سے کیے گئے انتظامات کا جائزہ لینے کے لیے مشین محلہ اور ٹاہلیانوالہ کا دورہ،
انہوں نے شہر کے مختلف علاقوں میں جلوس روٹس کا دورہ کرتے ہوئے محرم الحرام کے حوالے سے کئے گئے اقدامات اور سکیورٹی کا تفصیلی جائزہ لیا۔ اس موقع پر انہوں نے جلوس و مجالس منتظمین سے بھی ملاقات کی۔ ضلع جہلم میں محرم الحرام کے تمام جلوس روٹس کی مانیٹرنگ کے لیے سی سی ٹی وی کیمرے انسٹال کر دیے گئے ہیں، ریسکیو کا عملہ مختلف مقامات پر تعینات کر دیا گیا ہے۔ محرم الحرام کے لیے ریسکیورز کی 10 ٹیمیں تشکیل دی گئیں ہیں، جلوس کیلیے 12 ریسکیو پوسٹیں جلوس کے ساتھ مختلف پوائنٹس پر تعینات ہوں گی، 223 ریسکیورز، 40 ریسکیو والنٹیئرز اور 17 ایمرجنسی گاڑیاں کسی بھی ہنگامی صورتحال سے نمٹنے کے لیے موقع پر موجود ہوں گی۔
