کالعدم تحریک لبیک کے مارچ کے شرکا اسلام آباد روانہ ہونے کے لیے وزیر آباد میں موجود ہیں۔ ٹی ایل پی کے ترجمان کے مطابق قافلے کے شرکا ںے رات وزیر آباد میں قیام کیا تھا۔
تحریک لبیک پاکستان کے ترجمان سجاد سیفی کا کہنا ہے کہ وہ اس وقت مارچ کے شرکا وزیرآباد شہر میں ایک پل پر جمع ہیں اور ان کے سامنے رینجرز کھڑے ہیں۔
انہوں نے اردو نیوز کے نامہ نگار روحان احمد کو بتایا کہ ’اسلام آباد میں ہمارے مذاکرات چل رہے ہیں اس لیے فی الحال ہمیں یہاں انتظار کرنے کا کہا گیا ہے۔‘
