نوابشاہ (رپورٹ. انور عادل خانزادہ)چیئرمین ٹاؤن کمیٹی دوڑ چوہدری وسیم افضل راجپوت نے دیوالی
نوابشاہ (رپورٹ. انور عادل خانزادہ)چیئرمین ٹاؤن کمیٹی دوڑ چوہدری وسیم افضل راجپوت نے دیوالی کے موقع پر شہر کی ہندو برادری سے ملاقات کی، دیوالی کی مبارکباد دی اور کئی اہم اعلانات کیے۔ چیئرمین چوہدری وسیم افضل راجپوت نے اعلان کیا کہ دیوالی کے موقع پر دوڑ کی ہندو برادری کے ہر گھر میں مٹھائیاں پہنچائی جائیں گی، جبکہ بیواؤں، یتیموں اور بے سہارا افراد کو نقد امداد بھی فراہم کی جائے گی۔ انہوں نے کہا کہ دیوالی خوشیوں کا تہوار ہے اور یہ ہم سب کا مشترکہ فرض ہے کہ ہم اقلیتی برادری سے محبت، بھائی چارہ یکجہتی اور احترام کا اظہار کریں۔ چیئرمین نے کہا کہ دوڑ کی ترقی نہ صرف بنیادی ڈھانچے سے منسلک ہے بلکہ سماجی بھائی چارے سے بھی منسلک ہے۔ اس ملاقات میں ہندو برادری کے رہنماؤں نے چیئرمین کا تہہ دل سے شکریہ ادا کیا اور کہا کہ ایسے اقدامات سے اقلیتوں کے اعتماد میں اضافہ ہوتا ہے اور یہ مثال دوسروں کے لیے راہ ہموار کرتی ہے۔ ہندو برادری کے رہنماؤں نے کہا کہ دوڑ جیسے شہر میں جہاں مختلف مذاہب کے لوگ ایک ساتھ رہتے ہیں، ایسے یکجہتی کے اقدامات سے امن، محبت اور بھائی چارے کو فروغ ملتا ہے۔ اس موقع پر ٹاؤن آفیسر لائق حسین زرداری، غلام حسین دیناری، آصف فرحان خانزادہ، راجہ حسین ڈیٹھو اور دیگر ان کے ہمراہ تھے۔
