ریسکیو 1122 نے ماہ اکتوبرمیں 8 منٹ کے ایوریج رسپانس ٹائم سے 1964 افراد کو ریسکیو کیا
میڈیا کوآرڈینیٹر ریسکیو 1122جہلم
بتاریخ 01 نومبر 2024
ریسکیو 1122 نے ماہ اکتوبرمیں 8 منٹ کے ایوریج رسپانس ٹائم سے 1964 افراد کو ریسکیو کیا۔انجئنیر سعید احمد ڈسٹرکٹ ایمرجنسی آفیسر ریسکیو 1122 جہلم
ماہ اکتوبر میں ریسکیو 1122 کی ہیلپ لائن (مدد گار نمبر )پر 8147 کالز موصول ہوئیں،جن میں سے 2051 ایمرجنسی کالز تھیں۔ڈسٹرکٹ ایمرجنسی آفیسر ریسکیو 1122 جہلم
ماہ اکتوبر میں 360 روڈ ٹریفک کے حادثات ہوئے۔ ڈسٹرکٹ ایمرجنسی آفیسر ریسکیو 1122 جہلم
ماہ اکتوبر میں 60افراد مختلف ایمرجنسیزمیں جان کی بازی ہار گئے۔ ڈسٹرکٹ ایمرجنسی آفیسر ریسکیو 1122 جہلم
پنجاب کمیونٹی سیفٹی ایکٹ کے تحت ضلع کی تمام بلند عمارات میں کمیونٹی سیفٹی ریگولیشن پر عمل درآمد کروایا جا رہا ہے ۔ڈسٹرکٹ ایمرجنسی آفیسر ریسکیو 1122 جہلم
ڈسٹرکٹ ایمرجنسی آفیسر ریسکیو 1122جہلم انجینئر سعید احمد کی صدرات میں ایک اجلاس ہوا جس میں ریسکیو 1122 کی ماہانہ کارکردگی کا جائزہ لیا گیا۔ریسکیو1122 جہلم نے بروقت رسپانس کرتے ہوئے مجموعی طور پر 1964 لوگوں کو ریسکیو کیا اور ابتدائی طبی امداد فراہم کرنے کے بعد 1300 مریضوں کو ہسپتال منتقل کیا۔ماہ اکتوبر میں جن 2051ایمرجنسیز کالز پر رسپانس کیا ان میں روڈ ٹریفک ایکسڈینٹ کی تعداد 360 تھی، میڈیکل ایمرجنسیز 1389 تھیں ، آگ لگنے کا واقعات 14ہوئے،کرائم 36 اور متفرق ایمرجنسیز کی تعداد 252 رہی۔ ماہ اکتوبر میں 60افراد مختلف ایمرجنسیزمیں جان کی بازی ہار ے، جن میں زیادہ تر میڈیکل ایمرجنسیز تھیں۔ ریسکیو 1122نے ماہ اکتوبر میں بھی بہتر رسپانس ٹائم کی روایت کو برقرار رکھا ایوریج رسپانس ٹائم 8منٹ رہا اور فائر ایمرجنسیز کا ایوریج رسپانس ٹائم 9 منٹ رہا۔
پنجاب کمیونٹی سیفٹی ایکٹ کے تحت ضلع کی تمام بلند عمارات جن کی اونچائی 50 فٹ یا اس سے زیادہ ہے کو چیک کیا گیا اور بلڈنگ سیفٹی کے قوانین کو لاگو کروانے کے لیے ہدایات دی گئیں۔
کمیونٹی سیفٹی پروگرام کے تحت محفوظ معاشرے کے قیام کے لیے ریسکیو کی جانب سے ماہ اکتوبر میں مختلف سکولز, کالجز اور اداروں میں فرسٹ ایڈ اور فائر سیفٹی کی ٹریننگ کا انعقاد بھی کیا گیا، جب کہ یونین کونس کی سطح پر کمیونٹی ایمرجنسی رسپانس ٹیم کی تشکیل بھی کی جا رہی ہے اور سکاؤٹس کے لئے CADRE ٹریننگ کا انعقاد بھی کیا جا رہا ہے۔
علاوہ ازیں پیشنٹ ٹرانسفر سروس کے تحت مریضوں کو بہتر طبی سہولیات فراہم کرنے کے لئے ضلع جہلم سے کل 44 مریضوں کو راولپنڈی، اسلام آباد، سرگودھا کے ہسپتالوں میں منتقل کیا۔
ڈسٹرکٹ ایمرجنسی آفیسر نے پورے ماہ میں ریسکیورز کی کارکردگی کو حوصلہ افزاء قرار دیا اورکہا کہ ریسکیو 1122 جہلم کی ٹیم پورے جوش و جذبہ کے ساتھ ہر وقت آفات سے نبرد آزما ہونے کے لیئے تیار رہے اور کسی بھی ناگہانی صورتحال میں بہترین طریقے سے لوگوں کو سروسز فراہم کررہے ہیں ۔
