دوسری ملک گیر کانفرنس سے پہلے ورکشاپ کا انعقاد
دوسری ملک گیر کانفرنس سے پہلے ورکشاپ کا انعقاد
پروفیسر ساجد مقبول آڈیٹوریم یونیورسٹی آف چائلڈ ہیلتھ سائنسز لاہور میں الفلاح فاؤنڈیشن پاکستان کے زیر انتظام یو سی ایچ ایس اور مائنڈ أرگنائزیشن کے تعاون سے سینیئر اور جونیئر ڈاکٹرز کے مابین ہم أہنگی کے فقدان کے عنوان سے پری کانفرنس ورکشاپ کا کامیاب انعقاد 19 اگست 2026 صبح 9 بجے سے 11 بجے تک کیا گیا
تفصیلات کے مطابق اس ورکشاپ میں پروفیسر سعد بشیر ملک ماہر نفسیات اور خصوصی طور پر پروفیسر مسعود صادق وائس چانسلر یو سی ایچ ایس کے علاوہ سو سے زائد سینیئر اور جونیئر ڈاکٹرز نے اس ورکشاپ میں حصہ لیا۔
ورکشاپ میں سرپرستی ۔ احترام اور شعبہ صحت میں خدمات انجام دینے والے افراد کی فلاح و بہبود پر سیر حاصل گفت و شنید کی گئی ۔
الفلاح فاؤنڈیشن کے ذمہ داران نے اس موقع پر پروفیسر مسعود صادق وائس چانسلر یو سی ایچ ایس اور پروفیسر ناصر رانا رجسٹرار یو سی ایچ ایس کو اس ورکشاپ میں معاونت پر خراج تحسین پیش کیا ۔
الفلاح فاؤنڈیشن پاکستان
بصد مسرت اعلان کرتی ہے کہ 19 ستمبر کو مووین پک ہوٹل سینٹورس اسلام أباد میں دوسری ملک گیر نیشنل کانفرنس "Healing the Healers” کا انعقاد کیا جا رہا ہے، جس میں پاکستان بھر سے نامور ڈاکٹرز، پروفیسرز اور شعبہ صحت سے وابستہ ماہرین شرکت کریں گے۔
اس اہم کانفرنس میں شیخِ سلسلہ نقشبندیہ اویسیہ و پیٹرن اِن چیف الفلاح فاؤنڈیشن
حضرت امیر عبدالقدیر اعوان مدظلہ العالی خصوصی خطاب فرمائیں گے۔
کانفرنس کا بنیادی مقصد شعبہ صحت میں خدمات انجام دینے والے افراد کی فلاح و بہبود، ان کے ذہنی و عملی بوجھ میں کمی، اور معاشرے کی بہتری کیلئے ایک مشترکہ لائحۂ عمل تشکیل دینا ہے۔
ملک کے مختلف شعبہ جات کے معروف پروفیسر ڈاکٹرز بھی اس کانفرنس سے خطاب کریں گے، جبکہ پاکستان کی معتبر ڈاکٹرز تنظیمیں بشمول
پی ایم اے پنجاپ
پی پی اے پنجاپ
پی اے ایف پی پنجاپ
وائے ڈی اے پاکستان
مائنڈ أرگنائزیشن بھی بھرپور شرکت کریں گے
یاد رہے کہ الفلاح فاؤنڈیشن شیخ سلسلہ نقشبندیہ اویسیہ و سربراہ تنظیم الاخوان پاکستان حضرت امیر عبدالقدیر اعوان مدظلہ العالی کی سرپرستی میں سرگرمِ عمل ہے۔ الفلاح فاؤنڈیشن اپنے فلاحی کاموں کو کسی بھی سیاسی یا فرقہ وارانہ وابستگی کے بغیر صرف اور صرف خلق خدا کی خدمت کے جذبے سے انجام دیتی ہے۔
الفلاح فاؤنڈیشن کا بنیادی مقصد غریب اور مستحق افراد کو ان کی دہلیز پر، ان کی عزت نفس کو ملحوظ خاطر رکھتے ہوئے فوری اور پائیدار فلاحی، طبی، آفاتی و ہنگامی خدمات فراہم کرنا ہے۔ اس مقصد کے حصول کے لیے یہ تنظیم مختلف شعبوں میں کام کرتی ہے
فاؤنڈیشن باقاعدگی سے مفت میڈیکل کیمپس کا انعقاد کرتی ہے، جہاں مریضوں کا مفت معائنہ کیا جاتا ہے اور ادویات فراہم کی جاتی ہیں۔ ان کیمپس میں ماہر ڈاکٹرز کی ایک وسیع ٹیم اپنی خدمات پیش کرتی ہے
الفلاح فاؤنڈیشن ملک میں آنے والی قدرتی آفات، جیسے سیلاب اور زلزلوں، کے دوران ہنگامی امداد اور بحالی کے کاموں میں ایک مؤثر کردار ادا کرتی ہے۔
زندگی کی بنیادی ضروریات کی فراہمی، جیسے کہ خشک راشن، گرم کپڑے اور رہائش کی اشیاء وغیرہ شامل ہیں۔ الفلاح فاؤنڈیشن آفت زدہ علاقوں میں گھروں کی بنیادی تعمیر میں بھی مدد فراہم کرتی رہی ہے۔ اس کے علاوہ بہترین تعلیم و تربیت کا بھی اہتمام کرتی ہے۔ عدالتی امور میں بھی مفت راہنمائی کا بھی اہتمام کرتی ہے۔
