طلبہ طالبات کو بہترین تعلیمی ماحول کی فراہمی ہمارا مشن ہے
جہلم(ملک وسیم اختر ) طلبہ طالبات کو بہترین تعلیمی ماحول کی فراہمی ہمارا مشن ہے تاکہ مستقبل کے معماروں کو ایک بہترین شہری بنایا جا سکے یہ بات ڈپٹی کمشنر جہلم میثم عباس نے گورنمنٹ سپیشل ایجوکیشن سکول بلال ٹاؤن اور گورنمنٹ ایم سی سکول مشین محلہ کا دورہ کرتے ہوئے کہی۔ ڈپٹی کمشنر جہلم نے دونوں سکولوں میں مختلف کلاسز کا دورہ کیا سپیشل ایجوکیشن سکول میں ڈپٹی کمشنر میثم عباس نے سپیشل بچوں کو دی جانے والی تعلیم اور ان کے امدادی آلات بارے اگاہی حاصل کی۔ اسکول پرنسپل کو ڈپٹی کمشنر نے ہدایت کی کہ سپیشل بچوں کو بہترین شہری بنانے کے لیے بھرپور محنت کی جائے ایم سی سکول مشین محلہ میں ڈی سی جہلم نے مختلف کلاسز کا دورہ کیا اور بچوں سے تعلیمی سرگرمیوں پر مختلف سوالات کیے اور سکول میں صفائی بہتر بنانے ، ماحول کو صاف ستھرا رکھنے کی ہدایت کی 
