محکمہ صحت جہلم کی عطائیوں کے خلاف کارروائی، 2 کلینکس سر بمہر کر دیے۔
ڈپٹی ڈسٹرکٹ ہیلتھ آفیسر پنڈدادنخان اور جہلم نے عطائیوں کے خلاف کارروائی کرتے ہوئے حیات ویلفیئر میڈیکل اینڈ ڈینٹل کلینک پی ڈی خان اور ڈینٹل کلینک بلال ٹاون کو سر بمہر کر دیا۔ کلینکس میں ڈاکٹر یا تربیت یافتہ سٹاف موجود نہیں تھا اور عطائی مریضوں کو چیک کر رہے تھے۔ دونوں کلینکس کے پاس پنجاب ہیلتھ کیئر کمیشن سے رجسٹرڈ ہونے کا ثبوت بھی موجود نہیں تھا۔ سی ای او ہیلتھ ڈاکٹر میاں مظہر حیات نے کہا کہ عطائیوں کے خلاف اسی طرح کاروائیاں جاری رکھیں گے، عطائیوں کو سادہ لوح عوام کی جانوں سے کھیلنے نہیں دیں گے۔
