کراچی (رپورٹ: جاوید صدیقی) جامعہ کراچی کے وائس چانسلر پروفیسر ڈاکٹر خالد محمود عراقی کی زیر صدارت منعقدہ ایڈوانسڈ اسٹڈیز اینڈ ریسرچ بورڈ کے اجلاس میں ثمینہ غفار بنت شیخ عبدالغفار کو شعبہ سیاسیات میں تحقیقی مقالہ مکمل کرنے پر ایم فل کی ڈگری تفویض کرنے کی منظوری دی گئی۔ انہوں نے اپنا تحقیقی مقالہ بعنوان”پاپولزم، تھیوری اور پریکٹس: اکیسویں صدی میں پاپولسٹ حکومتوں کا تقابلی تجزیہ پاکستان اور ہندوستان کا کیس اسٹڈی“پروفیسر ڈاکٹر نصرت ادریس کی زیر نگرانی مکمل کیا۔
