ڈپٹی کمشنر میثم عباس نے گورنمنٹ حسنات ہائی سکول سوہاوہ میں قائم میٹرک امتحانی مرکز کا دورہ کیا

جہلم( ملک وسیم اختر) ڈپٹی کمشنر میثم عباس نے گورنمنٹ حسنات ہائی سکول سوہاوہ میں قائم میٹرک امتحانی مرکز کا دورہ کیا، جہاں انہوں نے امتحانی عمل کی نگرانی کی اور سپرنٹنڈنٹ سے امتحانات کے انعقاد سے متعلق تفصیلات حاصل کیں۔ انہوں نے امتحان دینے والے طلبہ سے بھی ملاقات کی اور ان سے امتحانی ماحول اور انتظامات کے بارے میں دریافت کیا۔ ڈپٹی کمشنر نے امتحانی عملے کو سختی سے ہدایت کی کہ امتحانات کے دوران شفافیت کو ہر صورت یقینی بنایا جائے اور تمام ضروری سہولیات کی فراہمی میں کوئی کمی نہ ہونے دی جائے۔ انہوں نے واضح کیا کہ کسی بھی غیر قانونی طریقے یا بے ضابطگی کو ہرگز برداشت نہیں کیا جائے گا اور امتحانی عمل کی شفافیت کو برقرار رکھنے کے لیے سخت اقدامات کیے جائیں گے