راولپنڈی کی ایک عدالت نے سابق وزیراعظم عمران خان اور ان کی اہلیہ بشریٰ بی بی کے خلاف عدت میں نکاح کے کیس کا فیصلہ سناتے ہوئے دونوں کو سات سال قید اور 5 لاکھ جرمانے کی سزا سنائی ہے۔
سنیچر کو اڈیالہ جیل میں قائم عدالت کے سینیئر سول جج قدرت اللہ نے گشتہ رات محفوظ کیا گیا فیصلہ ملزمان کی موجودگی میں سنایا۔
عمران خان اور بشریٰ بی بی کے خلاف عدت میں نکاح پر کارروائی کے لیے درخواست بشریٰ بی بی کے سابق شوہر خاور مانیکا نے دی۔
جمعرات اور جمعے کو اڈیالہ جیل میں قائم دس دس گھنٹے سے زیادہ سماعت کے دوران گواہوں پر جرح مکمل کی۔
سماعت کے دوران عمران خان اور بشریٰ بی بی نے کمرہ عدالت میں 342 کا بیان ریکارڈ کروایا۔
