بنگلادیش کرکٹ بورڈ نے ٹی ٹوئنٹی ورلڈکپ کے حوالے سے آئی سی سی کا فیصلہ قبول کرلیا۔
یاد رہے کہ آئی سی سی نے سیکورٹی وجوہات کی بنیاد پر بھارت میں میچز نہ کھیلنے کے بنگلادیش کرکٹ بورڈ کے موقف کو مسترد کر دیا تھا۔
ڈھاکا(انٹرنیشنل ڈیسک)گلوبل ٹائمز میڈیا یورپ کے مطابق بنگلادیش کرکٹ بورڈ (بی سی بی) نے ٹی ٹوئنٹی ورلڈ کپ سے متعلق آئی سی سی کے فیصلے کو قبول کر لیا ہے۔آئی سی سی نے جمعرات کو باضابطہ طور پر اعلان کیا کہ بھارت میں میچز کھیلنے سے انکار پر بنگلادیش کی جگہ اسکاٹ لینڈ کو ٹی ٹوئنٹی ورلڈ کپ میں شامل کر لیا گیا ہے۔آئی سی سی نے سکیورٹی وجوہات کی بنیاد پر بھارت میں میچز نہ کھیلنے کے بنگلادیش کرکٹ بورڈ کے مؤقف کو مسترد کر دیا تھا۔فیصلے کے بعد بنگلادیش کرکٹ بورڈ کا ہنگامی اجلاس طلب کیا گیا، جس میں صورتحال پر غور کیا گیا۔ذرائع کے مطابق اجلاس کے بعد بی سی بی نے آئی سی سی کا فیصلہ تسلیم کرنے کا فیصلہ کیا ہے اور امکان ہے کہ بورڈ اس تنازعے کو مزید طول نہیں دے گا۔