3 قسم کے لوگ پی ٹی آئی کا حصہ ہیں۔امیر حیدر ہوتی
پی ٹی ائی لیڈرز اس راستے کا انتخاب نہ کرتے تو شاید انہیں آج یہ دن نہ دیکھنے پڑتے۔مرکزی نائب صدر
مردان(نمائندہ نورین ناز)گلوبل ٹائمز میڈیا یورپ کے مطابق عوامی نیشنل پارٹی کے مرکزی نائب صدر امیر حیدر خان نے کہا کہ 3 قسم کے لوگ تحریکِ انصاف کا حصہ ہیں۔اے این پی کے مرکزی نائب صدر کا کہنا تھا کہ پی ٹی آئی لیڈرز جس راستے سے سیاست میں آئے، اسی راستے سے انہیں باہر کیا جا رہا ہے، پی ٹی آئی لیڈرز اس راستے کا انتخاب نہ کرتے تو شاید انہیں آج یہ دن نہ دیکھنے پڑتے۔انہوں نے کہا کہ اس وقت 3 قسم کے لوگ پی ٹی آئی کا حصہ ہیں۔ ایک وہ لوگ ہیں جو مخلص ہیں اور بانیٔ پی ٹی آئی کے ساتھ کھڑے ہیں۔ دوسرے وہ لوگ ہیں جو پارٹی ٹکٹ پر الیکشن لڑیں کی امید لگائے بیٹھے ہیں ، تیسرے وہ لوگ ہیں جو کسی اور کے حکم پر پارٹی میں آئے ہیں اور کسی اور کے اشارے کے منتظر ہیں۔