کے پی حکومت کا مخصوص نشستوں پر حلف لینے کا ہائیکورٹ کا حکم چیلنج کرنے کا فیصلہ۔
فیصلہ چیلنج کرنے کے حوالے سے رٹ پیٹیشن بھی تیار کردی گئی ہے جو دو دن بعد دائر کی جائےگی۔آفتاب عالم
پشاور(نمائندہ فاطمہ جعفر)گلوبل ٹائمز میڈیا یورپ کے مطابق خیبرپختونخوا حکومت نے مخصوص نشستوں پر منتخب اراکین کا حلف لینے سے متعلق پشاور ہائیکورٹ کا فیصلہ سپریم کورٹ میں چیلنج کرنے کا فیصلہ کرلیا۔وزیر قانون خیبرپختونخوا آفتاب عالم نے میڈیا سے گفتگو کرتے ہوئے کہاکہ مخصوص نشستوں سے متعلق پشاور ہائیکورٹ کا فیصلہ سپریم کورٹ میں چیلنج کریں گے۔انہوں نےکہا کہ فیصلہ چیلنج کرنے کے لیے وکلا کے خصوصی پینل میں سلمان اکرم راجا، حامد خان اور فیصل صدیقی شامل ہیں، اس حوالے سے رٹ پیٹیشن بھی تیار کردی گئی ہے جو دو دن بعد دائر کی جائےگی۔آفتاب عالم کا کہنا تھا کہ سپریم کورٹ کے فیصلے سے پہلے مخصوص نشستوں کے اراکین سے حلف نہیں لیا جائے گا، سینیٹ انتخابات ملتوی ہونے سے متعلق آج صوبائی کابینہ کی مشاورت ہوگی، ہوسکتا ہے کہ سینیٹ انتخابات ملتوی کرنے کے معاملے پر بھی عدالت سے رجوع کیا جائے۔