چلو آؤ کچھ ایسا کرتے ہیں . . .
خوشیاں بکھیر دیتے ہیں
آنسو چرا لیتے ہیں
ننھے، منے پھولوں کو
مرجھانے سے بچا لیتے ہیں
وہ پھول جو، مورنی کے ہیں پنکھ جیسے
اڑتی ہوئی پتنگ جیسے
جو کھلتے ہوئے گلاب ہیں
جن کے جذبے لاجواب ہیں
جو سردی میں ہیں دھوپ جیسے
اوس کی گرتی بوند جیسے
جو جھلمل ستارے، راج دلارے
جیسے سیپ میں چھپے موتی، پیارے پیارے
جو چاند کی ہیں چاندنی
اور دمکتا سا آفتاب ہیں
انہی بچوں کو اب یہ بتانا ہے
کہ ہاتھوں میں تھامے ہاتھ
ہم سب ان کے ساتھ ہیں
چلو آؤ کچھ ایسا کرتے ہیں
چلو آؤ کچھ ایسا کرتے ہیں
(شاعر: کاشف شمیم صدیقی)