وزیر خارجہ کی زیرقیادت نجکاری کمیٹی کا اجلاس ملتوی۔
کابینہ کمیٹی برائے نجکاری سی سی او پی کا پہلا اجلاس آج ہفتہ کو طلب کر لیا گیا تھا۔
اسلام آباد(نمائندہ امبرین بلوچ)گلوبل ٹائمز میڈیا یورپ کے مطابق وزیر خارجہ اسحاق ڈار کی زیر قیادت کابینہ کمیٹی برائے نجکاری (سی سی او پی) کا پہلا اجلاس ملتوی کر دیا گیا ۔ذرائع کے مطابق کابینہ کمیٹی برائے نجکاری (سی سی او پی) کا پہلا اجلاس آج (ہفتہ) کو طلب کر لیا گیا تھا۔ تاہم نجکاری کا اہم اجلاس وزیر خزانہ محمد اورنگزیب کی سعودی دورے کی تیاریوں کے باعث مصروف شیڈول کے باعث ان کی عدم دستیابی کے باعث ملتوی کر دیا گیا ہے۔اس سے قبل ایک الگ پیش رفت میں یہ بات سامنے آئی تھی کہ وفاقی حکومت پاکستان انٹرنیشنل ایئرلائنز (پی آئی اے) کے اکثریتی حصص فروخت کرنے پر غور کر رہی ہے۔نجکاری کمیشن اس بات کا فیصلہ کرے گا کہ حکومت کتنے شیئرز فروخت کرے گی کیونکہ وہ پی آئی اے کی نجکاری کے عمل کے اختتام کے قریب ہے، وزیر اعظم کے اقتصادی اور توانائی کے کوآرڈینیٹر بلال اظہر کیانی نے ایک انٹرویو کے دوران کہا ۔ ان کے مطابق، حکومت قومی پرچم بردار کمپنی کے تقریباً 51 فیصد حصص کو 100 فیصد تک فروخت کرنے پر غور کر رہی ہے۔ کیانی نے کہا کہ پی آئی اے کا انتظامی کنٹرول زیادہ تر شیئرز خریدنے والے ادارے کے حوالے کر دیا جائے گا۔ پاکستان مسلم لیگ (ن) کے رہنما نے کہا کہ پی آئی اے کی نجکاری پر کام اچھی رفتار سے جاری ہے۔ انہوں نے دعویٰ کیا کہ کئی ممالک اور عالمی کمپنیوں نے پی آئی اے کو خریدنے میں دلچسپی ظاہر کی ہے۔