لاہور کو جماعت اسلامی نے فتح کرلیا تو ملک میں جماعت کا راج ہوگا۔لیاقت بلوچ
ہم اگر اپنے نظریے کی طاقت پر قائم رہے تو کامیابی حاصل کر سکتے ہیں۔نائب امیر جماعت اسلامی
لاہور(نمائندہ نادیہ تبسم) گلوبل ٹائمز میڈیا یورپ کے مطابق جماعت اسلامی کے نائب امیر لیاقت بلوچ کا کہنا ہے کہ لاہور کو جماعت اسلامی نے فتح کرلیا تو ملک میں جماعت کا راج ہوگا۔امیر جماعت اسلامی لاہور کی تقریب حلف برداری میں لیاقت بلوچ نے ضیاالدین انصاری سے حلف لیا۔اس موقع پر لیاقت بلوچ نے کہا کہ پہلے یک جماعتی نظام کی کوشش کی گئی اورذوالفقار بھٹو کا انتخاب کیا گیا۔انہوں نے کہا کہ ایک پاپولر شخصیت کو میدان میں اتارا گیا اور مینار پاکستان کا جلسہ منعقد ہوا، بانی پی ٹی آئی کو کامیاب جلسےکی وجہ سےلیا گیا۔لیاقت بلوچ نے کہا کہ ہم اگر اپنے نظریے کی طاقت پر قائم رہے تو کامیابی حاصل کر سکتےہیں۔ان کا کہنا تھا کہ 21 سے 23 نومبر تک مینارپاکستان گراؤنڈ میں اجتماع ہوگا۔