غزہ سے متعلق معاہدے پر پیشرفت مثبت ہے۔قطر
مصر اسرائیل اور امریکا کی خفیہ ایجنسیوں کے سربراہ غزہ میں امن معاہدے اور قیدیوں کی رہائی کیلئے کام کر رہے ہیں۔محمد بن عبدالرحمن بن جاسم الثانی
دوحا(انٹرنیشنل ڈیسک)گلوبل ٹائمز میڈیا یورپ کے مطابق قطری وزیراعظم محمد بن عبدالرحمن بن جاسم الثانی نے کہا ہے کہ غزہ سے متعلق معاہدے پر پیشرفت مثبت ہے.تفصیلات کے مطابق انہوں نے بیان میں کہا کہ مصر، اسرائیل اور امریکا کی خفیہ ایجنسیوں کے سربراہ غزہ میں امن معاہدے اور قیدیوں کی رہائی کے لیے کام کررہے ہیں، اس سلسلے میں ان کے مذاکرات پیرس میں ہوئے جس میں مثبت پیشرفت ہوئی.ذرائع کے مطابق قطری وزیراعظم کا مزید کہنا تھا کہ تمام تجاویز حماس کو پیش کی جائیں گی اور توقع ہے کہ حماس ان تجاویز کو عملی طور پر نافذ کرنے کے لیے مذاکرات کرے گی۔واضح رہے کہ حماس نے مذاکرات کے حصہ بننے کے لیے مستقل جنگ بندی کا مطالبہ کیا ہے۔