پاکستانی ٹیسٹ کرکٹر ظفر گوہر کا مڈل سکس کاؤنٹی سے معاہدہ طے پاگیا۔
ظفر گوہر کو مڈل سکس نے دو سال کیلئے بطور مقامی پلیئر سائن کیا ہے، ظفر گوہر نے اس سے قبل چار سیزن بطور اوور سیز پلیئر گلوسسٹر شائر کی نمائندگی کی تھی۔
84 فرسٹ کلاس میچز میں 300 وکٹیں لینے والے ظفر گوہر کو پاکستان کی طرف سے صرف ایک ٹیسٹ میچ میں کھیلنے کا موقع مل سکا تھا، ظفر گوہر کاؤنٹی مڈل سکس کی جانب سے تینوں فارمیٹ کی کرکٹ کھیلیں گے۔