بیٹے کو قتل کی دھمکی ملنے پر پریشانی، بالی وڈ کے معروف اداکار کے والد انتقال کرگئے۔
اداکار راجپال یادیو کو گزشتہ دنوں ای میل کے ذریعے جان سے مارنے کی دھمکی موصول ہوئی تھی۔
حیدر آباد(انٹرنیشنل ڈیسک) گلوبل ٹائمز میڈیا یورپ کے مطابق بالی وڈ کے مشہور کامیڈین و اداکار راجپال یادیو کے والد انتقال کرگئے۔میڈیا کے مطابق راجپال یادیو کو گزشتہ دنوں ای میل کے ذریعے جان سے مارنے کی دھمکی موصول ہوئی تھی اور پولیس نے دعویٰ کیا تھا کہ یہ دھمکی بیرون ملک سے دی گئی ہے۔انٹرنیشنل میڈیا کا کہنا ہے کہ بیٹے کو جان سے مارنے کی دھمکی ملنے کے بعد راجپال یادیو کے والد بیمار ہوگئے تھے اور وہ نئی دہلی کے اسپتال میں زیر علاج تھے جہاں وہ آج دم توڑ گئے۔رپورٹس کے مطابق والد کے انتقال کے وقت اداکار اپنی آنے والی فلم کی شوٹنگ کے لیے تھائی لینڈ میں موجود تھے۔راجپال یادیو نے دھمکیاں ملنے کے بعد اپنے میسج میں کہا تھا کہ ‘میں نے سائبر کرائم ڈیپارٹمنٹ اور پولیس دونوں کو آگاہ کر دیا ہے اور اس کے بعد میں نے کسی سے بات نہیں کی، اس واقعے کے بارے میں بات کرنا میرا کام نہیں ہے کیونکہ میں اس کے بارے میں کچھ نہیں جانتا ہوں۔