ایس ایل ایس کالج کے زیر اہتمام یومِ دفاع پاکستان کے حوالے سے تقریب کا انعقاد کیا گیا
جس میں مہمان خصوصی شاکر حسین داوڑ ڈسٹرکٹ پولیس آفیسر جہلم نے شرکت کی.
ڈسٹرکٹ پولیس آفیسر جہلم کا SLS کالج پہنچنے پر مینجنگ ڈائریکٹر سرفراز ملک نے پھولوں کے گلدستے سے استقبال کیا اور پتیاں نچھاور کی۔
ڈسٹرکٹ پولیس آفیسر جہلم نے یومِ دفاع کے حوالے سے خطاب کرتے ہوئے کہا کہ جہلم کی سر زمین شہیدوں اور غازیوں کی سر زمین ہے بعد ازاں ملک و قوم کی سلامتی اور شہداء کے لیے خصوصی دعائیں مانگی گئیں۔
ڈسٹرکٹ پولیس آفیسر جہلم نے تقریب سے خطاب کرتے ہوۓ مزید کہا کہ آزادی بہت بڑی نعمت ہے ہم ان خوش قسمت لوگوں میں شامل ہیں جو آزاد ماحول میں سانس لے رہے ہیں ہم اپنے شہداء کی قربانیوں کو خراج تحسین پیش کرتے ہیں جنہوں نے اپنا آج ہمارے کل کے لیے قربان کیا۔ڈسٹرکٹ پولیس آفیسر جہلم نے ادارے کے طلباء اور طالبات میں اسناد اور انعامات بھی تقسیم کیے۔ تقریب کے آخر میں مینجنگ ڈائریکٹر سرفراز ملک نے ڈسٹرکٹ پولیس آفیسر جہلم کو یادگاری شیلڈ پیش کی۔