اسلام آباد : چیئرمین پاکستان پیپلزپارٹی بلاول بھٹو زرداری نے سابق وزیر داخلہ اور پیپلزپارٹی کی سنٹرل ایگزیکٹو کمیٹی کے رکن رحمن ملک کی رہائشگاہ پر پہنچ کر ان کے خاندان سے تعزیت کی۔
چیئرمین پیپلزپارٹی نے سابق وزیر داخلہ رحمن ملک کے بلند درجات کے لئے دعا کی۔ بلاول بھٹو زرداری نے کہا کہ رحمن ملک پاکستان پیپلزپارٹی کا قیمتی اثاثہ تھے۔ ان کی خدمات ناقابل فراموش ہیں۔ رحمن ملک سے دہشگردی سے مقابلے کے لئے بطور وزیر داخلہ جس حکمت عملی کو اختیار کیا تھا دیگر نے بھی ان کی پیروی کی۔ اس موقع پر بی بی آصفہ بھٹو بھی ان کے ہمراہ تھیں۔