اہم خبریںپاکستان

کمزوریوں کی وجہ سے حکومت وقت سے پہلے گرجائے گی: مریم نواز

لاہور: پاکستان مسلم لیگ ن کی نائب صدر مریم نواز کا کہنا ہے کہ حکومت کی بنیاد ہی کمزورایک جھٹکا برداشت نہیں کر سکے گی۔ کمزوریوں کی وجہ سے حکومت وقت سے پہلے گرجائے گی،مریم نواز

لاہور میں میڈیا سے گفتگو کرتے ہوئے لیگی نائب صدر کا کہنا تھا کہ اس حکومت کوہلانا، گرانا مشکل کام نہیں، حکومت اپنی سازشوں، کمزوریوں کی وجہ سے وقت سے پہلے گرجائے گی۔ مشکلات کے سفر میں لوگ پیچھے ہٹ جاتے ہیں۔ پنجاب کے لوگ پیچھے نہیں ہٹے، مشکلات کا سامنا کیا۔

بات کو جاری رکھتے ہوئے انہوں نے کہا کہ مسلم لیگ(ن) متحد ہے، ووٹ بینک میں اضافہ ہوا ہے۔ لیگی قائد نوازشریف لندن سے تحریک کولیڈ کریں گے، میاں صاحب نے فیصلہ کرلیا کسی سے کوئی بات نہیں ہوگی عوام کے بل بوتے جنگ لڑیں گے۔

یہ بھی پڑھیں: سب کچھ لکھا ہوا سکرپٹ تھا، ریفرنس بنا کر سزائیں دلوائی گئیں: میاں‌ نواز شریف

ان کا کہنا تھا کہ میاں صاحب کا جعلی حکمرانوں سے موازنہ نہیں کیا جاسکتا، لیگی قائد کی باتوں میں وزن ہے، انہوں نے جو کہا بالکل ٹھیک کہا، میاں صاحب تین باروزیراعظم بنے،چوتھی باربھی بنیں گے۔

مریم نواز کا کہنا تھا کہ ہم میں سے جوبھی گرفتارہوگا،سیکنڈ لیڈرشپ آگے آئے گی۔ جس نے گرفتارکرنا ہے سب کے سامنے کرے، قبل ازوقت ضمانت نہیں کروانگی۔ پتھر بھی میں نے کھائے اور دہشت گردی کا مقدمہ بھی میرے خلاف بنایا گیا۔

نائب لیگی صدر کا کہنا تھا کہ میرا خیال لانگ مارچ اسلام آباد جانے سے پہلے حکومت چلی جائے گی، پیپلزپارٹی سے انتخابی میدان میں لڑیں گے، حکومت سے چھٹکارے کے لیے ہم سب اکٹھے ہے، پیپلزپارٹی سیاسی حریف ضرورلیکن دشمن نہیں، نوازشریف نے میزائل اٹھا کرکہا ایسا بنانا چاہیے اچھی بات ہے۔

ان کا کہنا تھا کہ ڈائیلاگ ایسی قوت سے ہوتا ہے جہاں قانون وانصاف ہو، یہ ایسی حکومت ہے جوآئین وقانون پراعتماد نہیں کرتی۔ ایسی حکومت کوتوماننے کوتیارنہیں ڈائیلاگ کی بات کیسے ہوسکتی ہے، یہ جعلی حکومت ہے جسے ہم ماننے کوتیارنہیں۔

Mehr Asif

Chief Editor Contact : +92 300 5441090

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

I am Watching You