اہم خبریںپنجاب

پی ڈی ایم کے جلسے، حکومت پریشان ہے یا اپوزیشن؟ سروے آگیا

پلس کنسلٹنٹ کے سروے کے مطابق 45 فیصد پاکستانیوں نے پی ڈی ایم کے پاور شوز کوعمران خان کی حکومت کےلیے غیر اہم قرار دے دیا اور کہا ہے کہ حکومت مضبوط ہے جلسوں سے اسے کوئی پریشانی نہیں ۔

پلس کنسلٹنٹ کی جانب سے جاری نئے سروے میں لوگوں سے پوچھا گیا کہ اپوزیشن اتحاد (پی ڈی ایم )کے جلسوں سے حکومت پریشان ہے یا نہیں۔

اس سوال کے جواب میں 45 فیصد پاکستانیوں نے کہا کہ حکومت پریشان نہیں ہے مگر 35 فیصد مانتے ہیں کہ جلسوں سے حکومت بہت پریشان ہے۔

سروے میں سوال پوچھا گیا کہ کیا آپ وزیر اعظم عمران خان کی کارکردگی سے مطمئن ہیں تو 40 فیصد نے کہا کہ وہ وزیراعظم کی کارکردگی سے مطمئن نہیں جبکہ 37 فیصد نے وزیراعظم کی کارکردگی ہر اطمینان کا اظہار کیا۔ جبکہ 21 فیصد نے درمیانہ جواب دیا۔

سروے میں لوگوں سے ایک اور سوال پوچھا گیا کہ کیا حکومت کا بیانیہ درست ہے کہ اپوزیشن کا اتحاد کرپشن چھپانے کا بیانیہ ہے؟

اس کے جواب میں 40 فیصد پاکستانیوں کو یقین ہے کہ اپوزیشن اتحاد کو کرپشن چھپانے کا بہانہ کہنے کا حکومتی بیانیہ جھوٹ ہے جب کہ 39 فیصد سمجھتے ہیں کہ حکومت سچ کہہ رہی ہے کہ اپوزیشن اپنی کرپشن بچانے کے لئے ایک ہوئی ہے ۔

MKB Creation

Mehr Asif

Chief Editor Contact : +92 300 5441090

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

MKB Creation
Back to top button

I am Watching You